Үткән дәрестәрҙә беҙ сукун менән торған хәрефтәрҙе өйрәндек, һәм шулай уҡ уларҙың ҡайһы бер үҙенсәлектәрен ҡарап үттек. Был дәрестә бар үтелгәнде ҡыҫҡаса йомғаҡлап үтергә тәҡдим итәбеҙ. Иҫегеҙҙә тотоғоҙ, беҙ хәрефтәрҙең сифаттары сукунлы торошта иң көслө сағылыш табыуын әйтеп үттек. Шуға ла хәрефтәрҙе сукун менән дөрөҫ әйтеү, уларға тейешле булған ваҡыт биреү бик мөһим.