Сүрә 72 Ен

1. قُلْ أُوحِيَ إِلَيَّ أَنَّهُ اسْتَمَعَ نَفَرٌ مِنَ الْجِنِّ فَقَالُوا إِنَّا سَمِعْنَا قُرْآنًا عَجَبًا

   (Эй, Мөхәммәд) әйт һин:- Ендәр ҡәүеменең бер төркөмө (мин Ҡөръән уҡығанда) тыңлап, иман килтергән икән. Был турала мин уахи аша бел­дем, - тип.Ен ҡәүеменән булғандарҙың бер төркөмө былай тигән:- Ысындан да, беҙ тура юлға өндәй торған, ғәҙәттән тыш гүзәл Ҡөръән һүҙҙәрен тыңланыҡ,

   72:1

2. يَهْدِي إِلَى الرُّشْدِ فَآمَنَّا بِهِ ۖ وَلَنْ نُشْرِكَ بِرَبِّنَا أَحَدًا

   ул тура юлға өгөтләй, һәм беҙ иман килтерҙек. Бынан һуң беҙ Раббыбыҙға тиң заттар эҙләмәйбеҙ.

   72:2

3. وَأَنَّهُ تَعَالَىٰ جَدُّ رَبِّنَا مَا اتَّخَذَ صَاحِبَةً وَلَا وَلَدًا

   Хаҡтыр, Раббыбыҙҙың бөйөклөгө һәр бөйөклөктән дә бөйөк. Уның ҡатыны ла, балаһы ла юҡ.

   72:3

4. وَأَنَّهُ كَانَ يَقُولُ سَفِيهُنَا عَلَى اللَّهِ شَطَطًا

   Хаҡтыр, ахмаҡ бер наҙаныбыҙ (Иблис) Аллаһ хаҡында хаттин ашҡан уйҙырмалар, ялған һөйләп йөрөй ине.

   72:4

5. وَأَنَّا ظَنَنَّا أَنْ لَنْ تَقُولَ الْإِنْسُ وَالْجِنُّ عَلَى اللَّهِ كَذِبًا

   Гәрсә, беҙ - кешеләр ҙә, ендәр ҙә Аллаһ тураһында ялған түгел, дөрөҫөн һөйләй, тип уйлай инек.

   72:5

6. وَأَنَّهُ كَانَ رِجَالٌ مِنَ الْإِنْسِ يَعُوذُونَ بِرِجَالٍ مِنَ الْجِنِّ فَزَادُوهُمْ رَهَقًا

   Шуныһы ла ысынбарлыҡ, ҡайһы бер кешеләр, ҡайһы бер ендәргә эйәреп, үҙҙәренең аҙғынлыҡтарын арттыра ине.

   72:6

7. وَأَنَّهُمْ ظَنُّوا كَمَا ظَنَنْتُمْ أَنْ لَنْ يَبْعَثَ اللَّهُ أَحَدًا

   Улар ҙа һеҙҙең кеүек үк, Аллаһтың ҡабат терелтәһенә ышанмай ине.

   72:7

8. وَأَنَّا لَمَسْنَا السَّمَاءَ فَوَجَدْنَاهَا مُلِئَتْ حَرَسًا شَدِيدًا وَشُهُبًا

   Хаҡтыр, беҙ (ендәр) Күккә менергә (Аллаһ менән фәрештәләрҙең һөйләшкәнен тыңларға) тырышып ҡараныҡ. Ләкин Күктең хәтәр һаҡсылар-ҡарауылсылар менән һәм атыла торған утлы йондоҙҙар менән тулғанлығын күрҙек.

   72:8

9. وَأَنَّا كُنَّا نَقْعُدُ مِنْهَا مَقَاعِدَ لِلسَّمْعِ ۖ فَمَنْ يَسْتَمِعِ الْآنَ يَجِدْ لَهُ شِهَابًا رَصَدًا

   Йәшеренеп тыңлар өсөн беҙ (Күктең) уңайлы ҡырҙарына боҫтоҡ. Ләкин тыңларға теләгәнде шунда ут сыбыртҡыһы һағалап тора икән.

   72:9

10. وَأَنَّا لَا نَدْرِي أَشَرٌّ أُرِيدَ بِمَنْ فِي الْأَرْضِ أَمْ أَرَادَ بِهِمْ رَبُّهُمْ رَشَدًا

    Хаҡтыр, беҙ аңламай ҡалдыҡ: ерҙәге кешеләргә зыян-зәхмәт килтерер өсөн шулай маҡсат ителгәнме, әллә Раббы уларға изгелек ҡылырға теләйме? Белгән юк.

    72:10

11. وَأَنَّا مِنَّا الصَّالِحُونَ وَمِنَّا دُونَ ذَٰلِكَ ۖ كُنَّا طَرَائِقَ قِدَدًا

    Ысынлап та, беҙҙең арала изгелекле булғандар ҙа бар, гөнаһлыларыбыҙ ҙа юҡ түгел. Беҙ төрлө-төрлө юлдар менән киттек.

    72:11

12. وَأَنَّا ظَنَنَّا أَنْ لَنْ نُعْجِزَ اللَّهَ فِي الْأَرْضِ وَلَنْ نُعْجِزَهُ هَرَبًا

    Без шуны ла аңланыҡ, Ерҙә булһаҡ та, ҡайҙа ҡасһаҡ та, беҙ Аллаһты меҫкен хәлгә ҡалдырып, еңә алмаясаҡ­быҙ.

    72:12

13. وَأَنَّا لَمَّا سَمِعْنَا الْهُدَىٰ آمَنَّا بِهِ ۖ فَمَنْ يُؤْمِنْ بِرَبِّهِ فَلَا يَخَافُ بَخْسًا وَلَا رَهَقًا

    Хаҡтыр, беҙ (Ҡөръәнде) тыңлап, иман килтер­ҙек. Аллаһҡа иман килтергән зат әжерҙән дә мәхрүм ҡал­маҫ, нахаҡҡа рәнйетелмәҫ тә.

    72:13

14. وَأَنَّا مِنَّا الْمُسْلِمُونَ وَمِنَّا الْقَاسِطُونَ ۖ فَمَنْ أَسْلَمَ فَأُولَٰئِكَ تَحَرَّوْا رَشَدًا

    Ысынлыҡта, ҡайһыбыҙ мосолман булды, ҡайһыбыҙ юлдан яҙҙы. Тура юлды эҙләп тапҡандар - мосолман булыр.

    72:14

15. وَأَمَّا الْقَاسِطُونَ فَكَانُوا لِجَهَنَّمَ حَطَبًا

    Ғәҙелһеҙ залимдар йәһәннәм киҫәүе булыр.(Ендәр тип әкиәттәрҙәге һәм кешеләрҙең күҙ алдына килтерә торған «ҡойроҡло ендәр» күҙ алдында тотолмай. Мәүләнә Али нөсхәһендә «ендәр» тип атала торған халыҡтар - кешеләр тураһында һөйләнә. Был «ендәр» астрологтар, фекерҙәре менән Күккә менеп, сихыр һәм ырымдары менән халыҡты алдаусы ҡәүем икәнлеге әйтелә.)

    72:15

16. وَأَنْ لَوِ اسْتَقَامُوا عَلَى الطَّرِيقَةِ لَأَسْقَيْنَاهُمْ مَاءً غَدَقًا

    Әгәр ҙә улар тура юлдан сыҡмайынса барһа, әлбиттә, уларға Беҙ мул итеп ямғыр яуҙырыр инек.

    72:16

17. لِنَفْتِنَهُمْ فِيهِ ۚ وَمَنْ يُعْرِضْ عَنْ ذِكْرِ رَبِّهِ يَسْلُكْهُ عَذَابًا صَعَدًا

    Шулай итеп, Беҙ уларҙы һынап ҡарар инек. Раббыны зикер итеүҙән баш тартҡан кешене Аллаһ хәтәр ғазапҡа тартыр.

    72:17

18. وَأَنَّ الْمَسَاجِدَ لِلَّهِ فَلَا تَدْعُوا مَعَ اللَّهِ أَحَدًا

    Барса мәсеттәр бары тик Аллаһҡа ғибәҙәт ҡылыу урыны. Шуға күрә, һеҙ Аллаһҡа тиң тип, һис бер башҡа зат­ҡа табынмағыҙ.

    72:18

19. وَأَنَّهُ لَمَّا قَامَ عَبْدُ اللَّهِ يَدْعُوهُ كَادُوا يَكُونُونَ عَلَيْهِ لِبَدًا

    Хәҡиҡәт, Аллаһтың ҡоло (Мөхәммәд) Раббыға ғибәҙәт ҡылыр өсөн ҡалҡҡанда (Ҡөрьән тыңлар өсөн килгән ендәр) араларынан ел үтмәҫлек бу­лып, тығыҙ урынлашты.

    72:19

20. قُلْ إِنَّمَا أَدْعُو رَبِّي وَلَا أُشْرِكُ بِهِ أَحَدًا

    Әйт һин:- Мин бары тик Раббыма доға ҡыламын. Уға һис бер тиңдәш тотмам, - тип.

    72:20

Перевод: Башкирский перевод