Әйҙәгеҙ тормошобыҙҙағы ниндәй ҙә булһа мөһим ваҡиғаларҙы иҫкә төшөрәйек. Беҙ уларға нисек әҙерләнәбеҙ? Барыһын үҙ барышына тапшырабыҙмы, әллә ентекле әҙерләнәбеҙ һәм план ҡорабыҙмы? Әлбиттә беҙ һәр бер киҫәксәне уйлап сығабыҙ, был ваҡиғаны планлаштырабыҙ һәм көтәбеҙ. Аллаһ Тәғәлә беҙҙең өсөн Үҙе айырым билдәләгән көндәр һәм айҙар беҙҙең өсөн тағы ла мөһимерәк булып торалар. Рамаҙан - ул йылдағы иң яҡшы ай. Был - һеҙ һанап бөткөһеҙ сауап алырлыҡ ай, һәм шулай уҡ Аллаһ Тәғәлә ғәфү итеүенә лайыҡлы булғандар араһына инеү мөмкинселеге. Был - беҙҙең яҡшы яҡҡа үҙгәрә башлай алырлыҡ ай, маҡтаулы сифаттар алыу һәм насар ғәҙәттәрҙән һәм гонаһтарҙарҙан ҡотолоу мөмкинселеге. Был - Ҡөрьән, Аллаһ Тәғәләгә ғибәҙәт ҡылыу һәм буйһоноу айы. Әммә, беҙ белеүебеҙсә, уңыш былай ғына еңел тотторолмай. Йыш ҡына, был планлаштырылған ғәмәлдәр һәм Аллаһ Тәғәләгә, Ул был эштәрҙә ярҙам күрһәтеүен һорап, доғалар менән ялбарыу һөҙөмтәһе. Әйҙәгеҙ инде яҡынлашҡан Рамаҙан айын үҙенсәлекле итәйек.