Сүрә 32 Сәждә

1. وَلَنُذِيقَنَّهُمْ مِنَ الْعَذَابِ الْأَدْنَىٰ دُونَ الْعَذَابِ الْأَكْبَرِ لَعَلَّهُمْ يَرْجِعُونَ

   Беҙ был хәтәр язанан (йәһәннәмдән) алда (фани донъяла) уларға язалар (әсирлек, ҡытлыҡ, ауырыуҙар, донъяүи ауырлыҡтар) бирербеҙ. Бәлки, улар тәүбәгә килеп, иман килтерерҙәр.

   32:21

2. وَمَنْ أَظْلَمُ مِمَّنْ ذُكِّرَ بِآيَاتِ رَبِّهِ ثُمَّ أَعْرَضَ عَنْهَا ۚ إِنَّا مِنَ الْمُجْرِمِينَ مُنْتَقِمُونَ

   Үҙенә Раббының аяттары менән өгөт-нәсихәт бире­леп тә, уларҙан йөҙ сөйөргән кешенән дә изгелекһеҙерәк кем бар икән? Һис шикһеҙ, Беҙ гөнаһлыларға яза бирербеҙ.

   32:22

3. وَلَقَدْ آتَيْنَا مُوسَى الْكِتَابَ فَلَا تَكُنْ فِي مِرْيَةٍ مِنْ لِقَائِهِ ۖ وَجَعَلْنَاهُ هُدًى لِبَنِي إِسْرَائِيلَ

   Хаҡтыр, Беҙ Мусаға ул Китапты (Тәүрәтты) бир­ҙек. Һин, һис шикһеҙ, уның менән ҡауышасаҡһың. Беҙ уны Исраил нәҫелен (йәһүдтәрҙе) тура юлға өндәүсе итеп күндер­ҙек.

   32:23

4. وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا ۖ وَكَانُوا بِآيَاتِنَا يُوقِنُونَ

   Улар араһынан (ҡыйынлыҡтарға) сабыр итеп түҙгән­дәрен, аяттарыбыҙға ысын күңелдән инанғандарын әмере­беҙсә тура юлға өндәүсе (рәһбәр) итеп тәғәйенләнек.

   32:24

5. إِنَّ رَبَّكَ هُوَ يَفْصِلُ بَيْنَهُمْ يَوْمَ الْقِيَامَةِ فِيمَا كَانُوا فِيهِ يَخْتَلِفُونَ

   Бәхәстәрҙең һылтауы-сәбәбе тураһында, хаҡтыр, Раббың Ҡиәмәт көнөндә (уларҙың ҡайһыһы хаҡлы, ҡайһыһы хаҡһыҙ икәнен) хөкөм итәсәк.

   32:25

6. أَوَلَمْ يَهْدِ لَهُمْ كَمْ أَهْلَكْنَا مِنْ قَبْلِهِمْ مِنَ الْقُرُونِ يَمْشُونَ فِي مَسَاكِنِهِمْ ۚ إِنَّ فِي ذَٰلِكَ لَآيَاتٍ ۖ أَفَلَا يَسْمَعُونَ

   Беҙ әүәлдә уларҙың (Мәккә кәферҙәренең) күпме тоҡомон һәләк иттек. Йорттарының (емеректәре) араһында әле хәҙер ҙә уларҙың тоҡомо йәшәп маташа. Был (ғибрәттәр) уларҙы тура юлға саҡырмаҫмы? Был эштәрҙә, әлбиттә, һа­баҡ алырлыҡ ғибрәттәр бар. Был ғибрәттәргә улар һаман ҡолаҡ һалмаҫмы икән ни?

   32:26

7. أَوَلَمْ يَرَوْا أَنَّا نَسُوقُ الْمَاءَ إِلَى الْأَرْضِ الْجُرُزِ فَنُخْرِجُ بِهِ زَرْعًا تَأْكُلُ مِنْهُ أَنْعَامُهُمْ وَأَنْفُسُهُمْ ۖ أَفَلَا يُبْصِرُونَ

   Ҡоп-ҡоро тупраҡҡа ямғыр яуҙырып, хайуандар өсөн дә, үҙҙәре өсөн дә тамаҡ туйҙырырлыҡ игендәр үҫтергәне­беҙҙе күрмәнеләрме ни улар? Һәм шулай (мәңге) күрмәҫтәрме икән ни?

   32:27

8. وَيَقُولُونَ مَتَىٰ هَٰذَا الْفَتْحُ إِنْ كُنْتُمْ صَادِقِينَ

   Улар:- Әгәр ҙә һеҙ (Ҡиәмәт, йәннәт, йәһәннәм тураһында) дөрөҫөн һөйләйһегеҙ икән, уның нәтижәһе (еңеүе) ҡасан буласаҡ һуң? - тип әйтәләр.

   32:28

9. قُلْ يَوْمَ الْفَتْحِ لَا يَنْفَعُ الَّذِينَ كَفَرُوا إِيمَانُهُمْ وَلَا هُمْ يُنْظَرُونَ

   Әйт һин:- (Еңеү көнөндә) Ҡиәмәттә генә килтергән имандары уларға файҙа бирмәйәсәк. Уларҙың язаһы ла кисектерелмәйәсәк.

   32:29

10. فَأَعْرِضْ عَنْهُمْ وَانْتَظِرْ إِنَّهُمْ مُنْتَظِرُونَ

    Инде һин улар менән араңды өҙ һәм (яза килеүен) сабыр итеп көт. Улар ҙа көтә бит.

    32:30

Перевод: Башкирский перевод