Сүрә 43 Хазиналар

  1. قُلْ إِنْ كَانَ لِلرَّحْمَٰنِ وَلَدٌ فَأَنَا أَوَّلُ الْعَابِدِينَ

    (Эй, Мөхәммәд) әйт:- Әгәр ҙә ул (Ғайса) мәрхәмәтле ярлыҡаусы (Аллаһ)тың улы булһа ине, уға табынғандарҙың иң беренсеһе мин бу­лыр инем, - тип.

    43:81

  2. سُبْحَانَ رَبِّ السَّمَاوَاتِ وَالْأَرْضِ رَبِّ الْعَرْشِ عَمَّا يَصِفُونَ

    Күктәрҙең һәм Ерҙең Раббыһы, Ғәрештең Раббыһы улар (мөшриктәр, йәһүдтәр, христиандар) һылтағандарҙан өҫтөн һәм азат. Аллаһү әкбәр!(Һылтағандар - ата булыу, ҡатын тотоу кеүек ер кешеһенә хас булған эштәрҙән Аллаһ азат һәм паҡ килеш ҡала.)

    43:82

  3. فَذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ

    Инде һин уларҙан айырыл, (нәжес эсендә) ҡалһындар шунда. Вәғәҙә ителгән ғазап менән ҡауышаһы Көнгә (Ҡиәмәткә) саҡлы улар шулай (ялған һөйләп) донъяла күңел асһындар.

    43:83

  4. وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ

    Күктең дә Тәңреһе, Ерҙең дә Тәңреһе - бер Аллаһ. Ул - берҙән-бер хөкөмдар һәм (аҡыл-зиһен) хикмәттәренең хужаһы. Ул - ысын асылы менән бөтөнөһөн белеп тороусы.

    43:84

  5. وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِنْدَهُ عِلْمُ السَّاعَةِ وَإِلَيْهِ تُرْجَعُونَ

    Күктәрҙәге, Ерҙәге һәм улар араһындағы бөтөн нәмәләрҙе милек булараҡ барлыҡҡа килтергән (Аллаһ) ни ҡәҙәр бөйөк. Һуғасаҡ Сәғәттең (Ҡиәмәттең ҡасан буласағы тураһындағы) мәғлүмәте Уның хозурындалыр. Бөтөнөгөҙ ҙә Уның хозурына килтереләсәкһегеҙ.

    43:85

  6. وَلَا يَمْلِكُ الَّذِينَ يَدْعُونَ مِنْ دُونِهِ الشَّفَاعَةَ إِلَّا مَنْ شَهِدَ بِالْحَقِّ وَهُمْ يَعْلَمُونَ

    Аллаһты инҡар итеп, табына торған нәмәләре (боттары) улар өсөн шәһәдәт итерлек ҡөҙрәткә эйә түгел. Хәҡиҡәтте ысын күңелдән таныған-белгәндәр шәфәғәт итеүҙән мәхрүм түгел.

    43:86

  7. وَلَئِنْ سَأَلْتَهُمْ مَنْ خَلَقَهُمْ لَيَقُولُنَّ اللَّهُ ۖ فَأَنَّىٰ يُؤْفَكُونَ

    Хаҡтыр, уларҙан:- Һеҙҙе кем яралтты? - тип һораһаң:- Аллаһ! - тип яуап бирерҙәр. Шулай булғас, ни өсөн һуң улар (Аллаһҡа) ғибәҙәт ҡылмай, Хаҡтан йөҙ сөйөрә?

    43:87

  8. وَقِيلِهِ يَا رَبِّ إِنَّ هَٰؤُلَاءِ قَوْمٌ لَا يُؤْمِنُونَ

    Ул (Пәйғәмбәр):- Йә, Раббым, былар иман килтермәҫ бер ҡәүемдер, - тине

    43:88

  9. فَاصْفَحْ عَنْهُمْ وَقُلْ سَلَامٌ ۚ فَسَوْفَ يَعْلَمُونَ

    (Аллаһ бойорҙо):- (Эй, Мөхәммәд) инде һин: һеҙгә сәләм, тип әйт тә, улар­ҙан айырылып кит. Оҙаҡламай белерҙәр.

    43:89

Перевод: Башкирский перевод