Сүрә 41 Аңлатылды

1. إِنَّ الَّذِينَ كَفَرُوا بِالذِّكْرِ لَمَّا جَاءَهُمْ ۖ وَإِنَّهُ لَكِتَابٌ عَزِيزٌ

   Үҙҙәренә Китап килеп, уны инҡар итеүселәр (һис шикһеҙ, тейешле язаһын алыр). Ҡөръән - тиңе булмаған Ки­тап.

   41:41

2. لَا يَأْتِيهِ الْبَاطِلُ مِنْ بَيْنِ يَدَيْهِ وَلَا مِنْ خَلْفِهِ ۖ تَنْزِيلٌ مِنْ حَكِيمٍ حَمِيدٍ

   Уның артына ла, алдына ла нәжеслек йәбешмәҫ. Ул хикмәт эйәһе һәм ныҡ маҡталған Аллаһтан индерелде.

   41:42

3. مَا يُقَالُ لَكَ إِلَّا مَا قَدْ قِيلَ لِلرُّسُلِ مِنْ قَبْلِكَ ۚ إِنَّ رَبَّكَ لَذُو مَغْفِرَةٍ وَذُو عِقَابٍ أَلِيمٍ

   (Эй, Мөхәммәд) һинән алда килгән пәйғәмбәрҙәргә һөйләнгәндән башҡа һүҙҙәр һиңә һөйләнмәҫ. Әлбиттә, һинең Раббың ярлыҡаусы һәм әсе ғазап биреүсе лә.

   41:43

4. وَلَوْ جَعَلْنَاهُ قُرْآنًا أَعْجَمِيًّا لَقَالُوا لَوْلَا فُصِّلَتْ آيَاتُهُ ۖ أَأَعْجَمِيٌّ وَعَرَبِيٌّ ۗ قُلْ هُوَ لِلَّذِينَ آمَنُوا هُدًى وَشِفَاءٌ ۖ وَالَّذِينَ لَا يُؤْمِنُونَ فِي آذَانِهِمْ وَقْرٌ وَهُوَ عَلَيْهِمْ عَمًى ۚ أُولَٰئِكَ يُنَادَوْنَ مِنْ مَكَانٍ بَعِيدٍ

   Әгәр ҙә Беҙ был Ҡөръәнде (ғәрәпсәнән) башҡа телдә китап иткән булһа инек, улар әйтер ине:- Ни өсөн ул аяттар (ғәрәпсә) тәфсилләп аңлатылмай? Үҙе ғәрәп булған килеш, Ҡөръәне ғәрәпсә түгелме ни? (Ғәрәптәргә башҡа телдәге китап аңлашылмаҫ), - тип әйтерҙәр ине. Әйт һин:- Ул кешеләргә тура юл күрһәтеүсе бер рәһбәр һәм шифа. Иман килтермәгәндәрҙең ҡолаҡтарында һаңғыраулыҡ бар һәм Ҡөръән уларға дөм-ҡараңғы (донъя кеүек булыр). Әйтер­һең дә, уларҙы (тауыш ишетелмәҫ) йыраҡлыҡтан саҡыралар.

   41:44

5. وَلَقَدْ آتَيْنَا مُوسَى الْكِتَابَ فَاخْتُلِفَ فِيهِ ۗ وَلَوْلَا كَلِمَةٌ سَبَقَتْ مِنْ رَبِّكَ لَقُضِيَ بَيْنَهُمْ ۚ وَإِنَّهُمْ لَفِي شَكٍّ مِنْهُ مُرِيبٍ

   Хаҡтыр, Мусаға Китап (Тәүрәт) бирҙек. Ләкин ул да ҡаршылыҡҡа осраны (уның бер өлөшөнә ышандылар, ҡайһы өлөштәрен инҡар иттеләр йәки бер төрлө кешеләр Тәүрәт­кә инандылар, икенсе берәүҙәре уға ышанманылар). (Әгәр ҙә) Аллаһтың (язаларҙы Ҡиәмәт көнөнә саҡлы кисектерәм, тигән) һүҙе булмаһа ине, уларҙың (ул ике төркөмдөң) арала­рындағы ғауғалы бәхәс бик тиҙ бөтөрөлгән булыр ине (Аллаһ уларҙы һәләк иткән булыр ине). Ҡөръәнгә (Аллаһтан индерелгәненә) улар бик ныҡ шикләнеп ҡарай.

   41:45

6. مَنْ عَمِلَ صَالِحًا فَلِنَفْسِهِ ۖ وَمَنْ أَسَاءَ فَعَلَيْهَا ۗ وَمَا رَبُّكَ بِظَلَّامٍ لِلْعَبِيدِ

   Кеше изгелек ҡыла икән, үҙ файҙаһына булыр. Кеше яманлыҡ ҡыла икән, үҙенә зарар булыр. Раббың бәндәләренә ғәҙелһеҙ түгел (гөнаһ ҡылмағанды язаламаҫ).

   41:46

7. إِلَيْهِ يُرَدُّ عِلْمُ السَّاعَةِ ۚ وَمَا تَخْرُجُ مِنْ ثَمَرَاتٍ مِنْ أَكْمَامِهَا وَمَا تَحْمِلُ مِنْ أُنْثَىٰ وَلَا تَضَعُ إِلَّا بِعِلْمِهِ ۚ وَيَوْمَ يُنَادِيهِمْ أَيْنَ شُرَكَائِي قَالُوا آذَنَّاكَ مَا مِنَّا مِنْ شَهِيدٍ

   Ҡиәмәт көнөнөң ҡасан буласағы тураһындағы мәғлүмәт бары тик Аллаһ ҡарамағындалыр. Уның ғилеменән тыш бер генә емеш тә (ҡабығын ярып) үҫеп сыҡмаҫ, һис бер ҡатын ауырлы булмаҫ һәм бала тапмаҫ (һис бер әсә хайуан быуаҙ булмаҫ һәм быҙауламаҫ). Аллаһ уларҙан (кәферҙәрҙән):- Миңә тиңдәш (ҡөҙрәт эйәләре) ҡайҙа? - тип һораған Көндө улар:- Ант итеп әйтәбеҙ, арабыҙҙан (Һиңә тиң зат бар тип) шаһитлыҡ итеүсе булмаҫ, - тип әйтерҙәр.

   41:47

8. وَضَلَّ عَنْهُمْ مَا كَانُوا يَدْعُونَ مِنْ قَبْلُ ۖ وَظَنُّوا مَا لَهُمْ مِنْ مَحِيصٍ

   Әүәлендә (фани донъяла) улар ялбарып табынған нәмәләрҙе (Ҡиәмәттә) юҡҡа сығыр. (Шунда ғына) улар ҡа­сып ҡотолор урын булмағанын аңлар.

   41:48

9. لَا يَسْأَمُ الْإِنْسَانُ مِنْ دُعَاءِ الْخَيْرِ وَإِنْ مَسَّهُ الشَّرُّ فَيَئُوسٌ قَنُوطٌ

   Кеше хәйер һорау­ҙан (байлыҡ, мал, сәләмәтлек, оҙон ғүмер теләнеүҙән) туҡтамаҫ. Өҫтөнә берәй бәлә килһә, шунда уҡ өмөтһөҙлөккә төшә, меҫкен хәлдә ҡала.

   41:49

10. وَلَئِنْ أَذَقْنَاهُ رَحْمَةً مِنَّا مِنْ بَعْدِ ضَرَّاءَ مَسَّتْهُ لَيَقُولَنَّ هَٰذَا لِي وَمَا أَظُنُّ السَّاعَةَ قَائِمَةً وَلَئِنْ رُجِعْتُ إِلَىٰ رَبِّي إِنَّ لِي عِنْدَهُ لَلْحُسْنَىٰ ۚ فَلَنُنَبِّئَنَّ الَّذِينَ كَفَرُوا بِمَا عَمِلُوا وَلَنُذِيقَنَّهُمْ مِنْ عَذَابٍ غَلِيظٍ

    Хаҡтыр, башына төшкән зыяндан һуң, Беҙ уға ниғмәт әйләһәк:- Был минең үҙ хеҙмәтем арҡаһында килде, Ҡиәмәт буласағына ышанмайым. (Ҡиәмәт көнөндәге хисап ысын була ҡалһа) Раббыға ҡайтарыла ҡалһам, Уның хозурында минең өсөн тағын да мулыраҡ ниғмәттәр буласаҡ, - тип һурән һалыр. Беҙ инҡарсыларға (күпме гөнаһ) ҡылмыштары тураһында хәбәр бирәсәкбеҙ һәм уларға ауыр ғазап әсеһен татытырбыҙ.

    41:50

11. وَإِذَا أَنْعَمْنَا عَلَى الْإِنْسَانِ أَعْرَضَ وَنَأَىٰ بِجَانِبِهِ وَإِذَا مَسَّهُ الشَّرُّ فَذُو دُعَاءٍ عَرِيضٍ

    Кешеләргә ниғмәт биргәнебеҙҙән һуң, тәкәбберлек менән йөҙ сөйөрәләр. Ләкин уларҙың башына берәй бәлә килһә, (Аллаһҡа) ялбара башлайҙар.

    41:51

12. قُلْ أَرَأَيْتُمْ إِنْ كَانَ مِنْ عِنْدِ اللَّهِ ثُمَّ كَفَرْتُمْ بِهِ مَنْ أَضَلُّ مِمَّنْ هُوَ فِي شِقَاقٍ بَعِيدٍ

    Әйт һин:- Ул (Ҡөръән) Аллаһ тарафынан ингән булып та, һеҙ уны инҡар итәһегеҙ икән - (хаҡтан) айырылған, йыраҡлашҡан кешенән дә аҙашҡаныраҡ башҡа берәү булырмы икән? - тип.

    41:52

13. سَنُرِيهِمْ آيَاتِنَا فِي الْآفَاقِ وَفِي أَنْفُسِهِمْ حَتَّىٰ يَتَبَيَّنَ لَهُمْ أَنَّهُ الْحَقُّ ۗ أَوَلَمْ يَكْفِ بِرَبِّكَ أَنَّهُ عَلَىٰ كُلِّ شَيْءٍ شَهِيدٌ

    Йыраҡта йәшәүсе халыҡтарға һәм үҙ ҡәүемдәре араһында ла аяттарыбыҙҙы күрһәтәбеҙ, уның (Ҡөръәндең) ысын икәнен (Аллаһтан индерелгәнен) яҡшы белһендәр өсөн. Раббыңдың һәр нәмәгә шаһит булғанлығы етмәҫме?

    41:53

14. أَلَا إِنَّهُمْ فِي مِرْيَةٍ مِنْ لِقَاءِ رَبِّهِمْ ۗ أَلَا إِنَّهُ بِكُلِّ شَيْءٍ مُحِيطٌ

    Иғтибар итегеҙ: улар Раббы менән (Ҡиәмәт көнөндә) ҡауышыуға шикләнәләр. Белеп тороғоҙ, Аллаһ бөтөн нәмәне үҙ ихтыяры менән урап аласаҡ.

    41:54

Перевод: Башкирский перевод