Сүрә 82 Ярылыу, аят 1 – 16

1. إِذَا السَّمَاءُ انْفَطَرَتْ

   Күк ярылған саҡта,

   82:1

2. وَإِذَا الْكَوَاكِبُ انْتَثَرَتْ

   йондоҙҙар сәселеп ҡойолған ваҡытта,

   82:2

3. وَإِذَا الْبِحَارُ فُجِّرَتْ

   диңгеҙ-йылғалар ағып бөткәс,

   82:3

4. وَإِذَا الْقُبُورُ بُعْثِرَتْ

   ҡәберҙәр аҡта­рылып, аҫты өҫкә килгәндә (йәғни, үлеләр терелеп, ҡәберҙән сыҡҡанда),

   82:4

5. عَلِمَتْ نَفْسٌ مَا قَدَّمَتْ وَأَخَّرَتْ

   һәр кем киләсәге өсөн нимә әҙерләнгәнен, (фани донъяла) ниндәй ғәмәлдәр ҡалдырғанын беләсәк.

   82:5

6. يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ

   (Әй, әҙәм балаһы) нимәгә ҡыҙығып (алданып), һин сикһеҙ йомарт Аллаһтың ниғмәттәренән (сауаптан, ярлыҡаныуҙан, йәннәттән) ҡоро ҡалдың?

   82:6

7. الَّذِي خَلَقَكَ فَسَوَّاكَ فَعَدَلَكَ

   Аллаһ һине юҡ­тан бар итте, сәләмәт ағзалар биреп, (бөтөн гәүҙәңде) ти­геҙ, теүәл итте, (уларҙы бер-берҙәренә яраҡлаштырып) бөтөн яғыңды үлсәм менән камиллаштырҙы.

   82:7

8. فِي أَيِّ صُورَةٍ مَا شَاءَ رَكَّبَكَ

   Нисек теләһә, һезҙе шундай ҡиәфәттә яралтты.

   82:8

9. كَلَّا بَلْ تُكَذِّبُونَ بِالدِّينِ

   Юҡ бит! Ошо ап-асыҡ дәлилдәрҙән һуң да, һеҙ динде (Ҡиәмәт көнөн, Ҡөръәнде) ялғанға сығараһығыҙ. Гәрсә,

   82:9

10. وَإِنَّ عَلَيْكُمْ لَحَافِظِينَ

    һеҙҙең өҫтөгөҙҙә Хәҡиҡәт һаҡсылары (фәрештәләр) тора.

    82:10

11. كِرَامًا كَاتِبِينَ

    (Аллаһ хозурында) бик тә ышаныс ҡаҙанған, намыҫлы рәүештә яҙып барыусылар бар.

    82:11

12. يَعْلَمُونَ مَا تَفْعَلُونَ

    Улар һеҙ нимә ҡылһағыҙ, шуны белеп тора.

    82:12

13. إِنَّ الْأَبْرَارَ لَفِي نَعِيمٍ

    Изгелек ҡылғандар, һис шикһеҙ, Нәғим (рәхәтлек) йәннәттәренә керер.

    82:13

14. وَإِنَّ الْفُجَّارَ لَفِي جَحِيمٍ

    Гөнаһлылар иһә тамуҡта янасаҡ.

    82:14

15. يَصْلَوْنَهَا يَوْمَ الدِّينِ

    Ул көндө уларҙың барыһын да шунда алып килерҙәр.

    82:15

16. وَمَا هُمْ عَنْهَا بِغَائِبِينَ

    Һәм улар унан (тамуҡтан) бер ҡасан да сыҡмаҫ.(Ҡайһы берҙәр «йәһәннәмдә ваҡыт­лыса ҡалырҙар», «йәһәннәмдән һис айырылмаҫтар», «йәһәннәмдән ҡотола алмаҫтар» тип яҙа, быларҙың барыһын берләштергәндә аятты бына былайыраҡ тәҡдим итергә була: Һәм улар Аллаһ Тәғәлә билгеләгән ваҡытҡа саҡлы йәһәннәмдә ҡаласаҡ.)

    82:16

Перевод: Башкирский перевод