Мүсхәф, бит 416

1. وَلَوْ تَرَىٰ إِذِ الْمُجْرِمُونَ نَاكِسُو رُءُوسِهِمْ عِنْدَ رَبِّهِمْ رَبَّنَا أَبْصَرْنَا وَسَمِعْنَا فَارْجِعْنَا نَعْمَلْ صَالِحًا إِنَّا مُوقِنُونَ

   Ул гөнаһлырларҙың Раббы ҡаршыһында нисек итеп баш эйеп:- Раббыбыҙ, күрҙек, ишеттек, инде хәҙер беҙҙе фани донъяға кире ҡайтар, беҙ изгелек ҡыласаҡбыҙ, инде хәҙер ысын күңелдән иман килтерҙек, - тип ялбарғандарын күрһәң ине.

   32:12

2. وَلَوْ شِئْنَا لَآتَيْنَا كُلَّ نَفْسٍ هُدَاهَا وَلَٰكِنْ حَقَّ الْقَوْلُ مِنِّي لَأَمْلَأَنَّ جَهَنَّمَ مِنَ الْجِنَّةِ وَالنَّاسِ أَجْمَعِينَ

   Әгәр ҙә Беҙ ихтыяр итһәк, әлбиттә, һәр кемде тура юлға күндергән булыр инек. Ләкин:- Йәһәннәмде ендәр һәм (гөнаһлы) кешеләр менән шығырым итеп тултырасаҡмын, - тип ҡәтғи әйтелгән хаҡ һүҙем бар.(«Аллаһ Тәғәлә кешеләрҙең, ендәрҙең барыһын да ирекһеҙләп, үҙ ихтыяры менән йәннәткә йәки йәһәннәмгә керетеп тултырһа, ҡолдарының иреген, шәхси теләген ҡыҫып, шәхестең азатлығын быуған булыр ине. Һәм кешеләрҙән, ендәрҙән имтихан алыу, уларҙы һынап ҡарауҙың кәрәге ҡалмаған булыр ине. Мөкәлләфтәр, йәғни ихтыяр көсөн ҡулланыр дәрәжәлә бәлиғлеккә ирешкәндәр тура юлды һайлап, ожмахҡа керергәме, әллә аҙғынлыҡ юлын һайлап, тамуҡҡа барырғамы икәнде үҙҙәре хәл итергә тейеш».Ибраһим Дөнмәз тәфсиренән.)

   32:13

3. فَذُوقُوا بِمَا نَسِيتُمْ لِقَاءَ يَوْمِكُمْ هَٰذَا إِنَّا نَسِينَاكُمْ ۖ وَذُوقُوا عَذَابَ الْخُلْدِ بِمَا كُنْتُمْ تَعْمَلُونَ

   (Ҡиәмәттә уларға былай тип әйтәсәкбеҙ):- Был Көндә ҡауышыу тураһында онотҡанығыҙға күрә, язаһын да татып ҡарағыҙ. Дөрөҫөн генә әйткәндә, Беҙ ҙә һеҙҙе (йәһәннәмдә) оноттоҡ. Ҡылмыштарығыҙға күрә, мәңгелек язаға дусарһығыҙ.

   32:14

4. إِنَّمَا يُؤْمِنُ بِآيَاتِنَا الَّذِينَ إِذَا ذُكِّرُوا بِهَا خَرُّوا سُجَّدًا وَسَبَّحُوا بِحَمْدِ رَبِّهِمْ وَهُمْ لَا يَسْتَكْبِرُونَ ۩

   Беҙҙең киҫәтеү вәғәздәребеҙҙе ишетеп, маһаймайынса, сәждәгә киткәндәр һәм Раббыға маҡтау менән тәсбих әйткәндәр генә Беҙҙең аяттарыбыҙға инаналар.

   32:15

5. تَتَجَافَىٰ جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنْفِقُونَ

   Ҡурҡыу менән өмөт араһында Раббыға (намаҙҙа) ялбар­ғандар йылы һәм рәхәт яҫтыҡтарынан айырылып, төндә тороп доға уҡый. Беҙҙең тарафтан индерелгән ризыҡтарынан (зәкәткә, хәйер-саҙаҡаға) сарыф итәләр.

   32:16

6. فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ

   Ҡылған ғәмәлдә­ренә күрә бүләк булараҡ, ниндәй шатлыҡ күрәсәктәрен күпме әжер аласаҡтарын берәү ҙә белмәҫ.

   32:17

7. أَفَمَنْ كَانَ مُؤْمِنًا كَمَنْ كَانَ فَاسِقًا ۚ لَا يَسْتَوُونَ

   Иманлы кеше иманһыҙ кеше менән бер булырмы? Юҡ, улар һис бер ваҡытта ла тигеҙ булмаҫ.

   32:18

8. أَمَّا الَّذِينَ آمَنُوا وَعَمِلُوا الصَّالِحَاتِ فَلَهُمْ جَنَّاتُ الْمَأْوَىٰ نُزُلًا بِمَا كَانُوا يَعْمَلُونَ

   Иман килтереп, изгелек ҡылғандар өсөн, ҡылған изгелектәренә күрә, мәңге йәшәр өсөн Мәъва йәннәттәре әҙерләнгән.

   32:19

9. وَأَمَّا الَّذِينَ فَسَقُوا فَمَأْوَاهُمُ النَّارُ ۖ كُلَّمَا أَرَادُوا أَنْ يَخْرُجُوا مِنْهَا أُعِيدُوا فِيهَا وَقِيلَ لَهُمْ ذُوقُوا عَذَابَ النَّارِ الَّذِي كُنْتُمْ بِهِ تُكَذِّبُونَ

   Боҙоҡ кешеләрҙең барасаҡ урыны - утлы Тамуҡ. Күпме генә улар унан сығырға теләһәләр ҙә, ҡабат (утҡа) ырғытылырҙар һәм уларға:- Һеҙ ялғанға һанаған шул уттың ғазабын татып ҡара­ғыҙ, - тип әйтерҙәр.

   32:20

Перевод: Башкирский перевод