Сүрә 15 Әл-Хиджр

1. فَلَمَّا جَاءَ آلَ لُوطٍ الْمُرْسَلُونَ

   Илселәр Лут ғәйләһенә килгәс,

   15:61

2. قَالَ إِنَّكُمْ قَوْمٌ مُنْكَرُونَ

   Лут уларға:- Дөрөҫөн әйтәйем, һеҙ мин танығандарҙан түгел, - тине

   15:62

3. قَالُوا بَلْ جِئْنَاكَ بِمَا كَانُوا فِيهِ يَمْتَرُونَ

   (Ҡунаҡтар) әйтте: - Беҙ улар (кәферҙәр) шикләнеп ҡараған нәмәне (ғазапты, һәләкәтте) алып килдек.

   15:63

4. وَأَتَيْنَاكَ بِالْحَقِّ وَإِنَّا لَصَادِقُونَ

   Һиңә Хәҡиҡәт алып килдек. Беҙ дөрөҫөн һөйләйбеҙ.

   15:64

5. فَأَسْرِ بِأَهْلِكَ بِقِطْعٍ مِنَ اللَّيْلِ وَاتَّبِعْ أَدْبَارَهُمْ وَلَا يَلْتَفِتْ مِنْكُمْ أَحَدٌ وَامْضُوا حَيْثُ تُؤْمَرُونَ

   Төн урталарында ғәйләңде юлға сығар, үҙең дә уларҙан ҡалма. Һаҡ булығыҙ, артығыҙға боролоп ҡарамайынса, бойоролған яҡҡа китегеҙ, - тинеләр.

   15:65

6. وَقَضَيْنَا إِلَيْهِ ذَٰلِكَ الْأَمْرَ أَنَّ دَابِرَ هَٰؤُلَاءِ مَقْطُوعٌ مُصْبِحِينَ

   Уға (Лутҡа) ошо хөкөмөбөҙҙө уахи иттек:- Таң атҡанда уларҙың (Луттың гөнаһлы ҡәрҙәштәренең) юлы, һис шикһеҙ, киҫеләсәк.

   15:66

7. وَجَاءَ أَهْلُ الْمَدِينَةِ يَسْتَبْشِرُونَ

   Шәһәр ирҙәре (шәһүәти ҡытыҡланыу) ҡыуаныс менән (сибәр егеттәр ҡиәфәтенә кергән) фәрештәләр янына килде.

   15:67

8. قَالَ إِنَّ هَٰؤُلَاءِ ضَيْفِي فَلَا تَفْضَحُونِ

   Лут уларға әйтте:- Былар минең ҡунаҡтарым, - тине.

   15:68

9. وَاتَّقُوا اللَّهَ وَلَا تُخْزُونِ

   - (Уларға ҡағылып) зинһар, мине оятҡа ҡалдырмағыҙ, Аллаһтан (язаһынан) ҡурҡығыҙ, йөҙөмә ҡыҙыллыҡ килтермәгеҙ.

   15:69

10. قَالُوا أَوَلَمْ نَنْهَكَ عَنِ الْعَالَمِينَ

    - (Беҙҙең был эштәребеҙгә ҡыҫылма) бөтөн ерҙән килгән егеттәрҙе өйөңә керетеп ҡунаҡ итмә, тимәнекме?

    15:70

11. قَالَ هَٰؤُلَاءِ بَنَاتِي إِنْ كُنْتُمْ فَاعِلِينَ

    - Бына һеҙгә ҡыҙҙарым! (Улар менән теләгәнегеҙсә) ҡыланығыҙ (кәрәкһә, өйләнегеҙ, ҡунаҡтарыма ғына ҡағылмағыҙ), - тине.

    15:71

12. لَعَمْرُكَ إِنَّهُمْ لَفِي سَكْرَتِهِمْ يَعْمَهُونَ

    - (Рәсүлем) Һинең ғүмерең менән ант итәм, улар (енси-шәһүәти боҙоҡлоҡ) иҫереклек эсендә аҙашып йөрөй торған хәлдә ине.

    15:72

13. فَأَخَذَتْهُمُ الصَّيْحَةُ مُشْرِقِينَ

    Ҡояш сыҡҡан саҡта уларҙы дәһшәтле-ҡурҡыныс бер тауыш баҫты.

    15:73

14. فَجَعَلْنَا عَالِيَهَا سَافِلَهَا وَأَمْطَرْنَا عَلَيْهِمْ حِجَارَةً مِنْ سِجِّيلٍ

    Шулай итеп, Беҙ улар өлкәһендәге ерҙең аҫтын өҫкә килтерҙек. Баштарына яндырылған таштар яуҙырҙыҡ.

    15:74

15. إِنَّ فِي ذَٰلِكَ لَآيَاتٍ لِلْمُتَوَسِّمِينَ

    Хаҡтыр, ғибрәт алыусылар өсөн бында хикмәттәр бар.

    15:75

16. وَإِنَّهَا لَبِسَبِيلٍ مُقِيمٍ

    Улар (хәрәбәләр) һаман үтеп-һүтеп йөрөй торған юл өҫтөндә тора.(«Лут халҡы араһында күтләклек (педерастия) боҙоҡлоғо тарал­ған була. Шул гөнаһтары өсөн Аллаһ Тәғәлә улар өҫтөнә дәһшәтле-ҡурҡыныс тауыш ишеттерә, тауыштан һуң ер тетрәй баш­лай, баштарына таш яуҙыра, уларҙың шәһәре хәрәбәләргә әүерелә. Халыҡ юҡҡа сыға».Садретдин Ғүмүш тәфсиренән.)

    15:76

17. إِنَّ فِي ذَٰلِكَ لَآيَةً لِلْمُؤْمِنِينَ

    Ысынлап та, бында (был ваҡиғаларҙа) иманлы ке­шеләр өсөн бер ғибрәт бар.

    15:77

18. وَإِنْ كَانَ أَصْحَابُ الْأَيْكَةِ لَظَالِمِينَ

    Әйкә халҡы ла ысынлыҡта ғәҙелһеҙ-залим ҡәүем ине.

    15:78

19. فَانْتَقَمْنَا مِنْهُمْ وَإِنَّهُمَا لَبِإِمَامٍ مُبِينٍ

    Беҙ уларға яза бирҙек. Икеһе лә (Әйкә менән Мәдйән халыҡтары) күренеп тора торған юл өҫтөндә (ге хәрәбәләр аҫ­тында).

    15:79

20. وَلَقَدْ كَذَّبَ أَصْحَابُ الْحِجْرِ الْمُرْسَلِينَ

    Бына тағын Хижр халҡы ла пәйғәмбәрҙәрен ялған­сыға сығарҙы.

    15:80

Перевод: Башкирский перевод