Сүрә 15 Әл-Хиджр

1. قَالَ هَٰذَا صِرَاطٌ عَلَيَّ مُسْتَقِيمٌ

   Шулай бойорҙо:- Ана шул юл - Минең тарафҡа тура юл булыр.

   15:41

2. إِنَّ عِبَادِي لَيْسَ لَكَ عَلَيْهِمْ سُلْطَانٌ إِلَّا مَنِ اتَّبَعَكَ مِنَ الْغَاوِينَ

   - Шөбһәһеҙ, ҡолдарым өҫтөнән һин хакимлыҡ итә алмаҫһың. Аҙғын­лыҡҡа батҡандарҙан тыш.

   15:42

3. وَإِنَّ جَهَنَّمَ لَمَوْعِدُهُمْ أَجْمَعِينَ

   Хаҡтыр, йәһәннәм улар өсөн ҡоролған урын.

   15:43

4. لَهَا سَبْعَةُ أَبْوَابٍ لِكُلِّ بَابٍ مِنْهُمْ جُزْءٌ مَقْسُومٌ

   Йәһәннәмдең ете ҡапҡаһы бар. Кешеләр (ни дәрәжәлә ҡылған гөнаһтарына күрә) төркөм-төркөм шул ҡапҡаларҙан керер.(«Ҡайһы бер дин ғалимдарҙың әйтеүенә ҡарағанда, беренсе төркөм Һәүийә ҡапҡаһынан керер: улар - гөнаһлы мосолмандар. Икенсеһе- Саҡар: йәһүдтәр өсөн; өсөнсөһө - Сәғийр: христиандар өсөн; дүртенсеһе - Жаһим: Ҡояш, Ай, йондоҙҙарға табыныусылар (Сәбийә) өсөн; бишенсеһе - Ләзә: утҡа табыныусыларға; алтынсыһы - Хүтәмә: боттар, һынға, һәйкәлдәргә табыныусылар өсөн; етенсеһе: монафиҡтар өсөн». Садретдин Ғүмүш тәфсиренән.)

   15:44

5. إِنَّ الْمُتَّقِينَ فِي جَنَّاتٍ وَعُيُونٍ

   (Аллаһтың язаһынан ҡурҡып, Уның юлында тоғро булып тормош кисергән) тәҡүә мосолмандар, һис шикһеҙ, йәннәт баҡсаларында, шишмә буйҙарында буласаҡ.

   15:45

6. ادْخُلُوهَا بِسَلَامٍ آمِنِينَ

   Уларға:- Именлек һәм сәләмәтлек менән керегеҙ, - тип әйтелер.

   15:46

7. وَنَزَعْنَا مَا فِي صُدُورِهِمْ مِنْ غِلٍّ إِخْوَانًا عَلَىٰ سُرُرٍ مُتَقَابِلِينَ

   Беҙ улар күңелендәге (хөсөтлөк, мәкер) сәнскеләрҙе һурып алдыҡ: улар инде туғанлашып, ултырғыстарға ҡапма-ҡаршы ултырасаҡ.

   15:47

8. لَا يَمَسُّهُمْ فِيهَا نَصَبٌ وَمَا هُمْ مِنْهَا بِمُخْرَجِينَ

   Улар шунда бер ҡасан да (ауыр эш эшләп) алйымаясаҡ һәм уларҙы унан бер кем бер ҡасан да сығармаясаҡ.

   15:48

9. نَبِّئْ عِبَادِي أَنِّي أَنَا الْغَفُورُ الرَّحِيمُ

   (Ий, Рәсүлем) ҡолдарыма Минең ярлыҡаусы һәм ғәфү итеүсе икәнемде һөйлә.

   15:49

10. وَأَنَّ عَذَابِي هُوَ الْعَذَابُ الْأَلِيمُ

    Мин бирәсәк язаның бик тә хәтәр буласағын да белдер.

    15:50

11. وَنَبِّئْهُمْ عَنْ ضَيْفِ إِبْرَاهِيمَ

    Уларға Ибра­һим өйөнә килгән ҡунаҡтар (фәрештәләр) менән булған ваҡиға тураһында ла хәбәр бир.

    15:51

12. إِذْ دَخَلُوا عَلَيْهِ فَقَالُوا سَلَامًا قَالَ إِنَّا مِنْكُمْ وَجِلُونَ

    Ибраһим өйөнә кергәс, ҡунаҡтар әйтте:- Сәләм, - тинеләр. Ибраһим иһә уларға:- Дөрөҫөн әйтәйем, һеҙҙән ҡурҡабыҙ, - тине.

    15:52

13. قَالُوا لَا تَوْجَلْ إِنَّا نُبَشِّرُكَ بِغُلَامٍ عَلِيمٍ

    Тегеләр әйтте:- Ҡурҡма, беҙ һинең ғилемле улың тыуасағы тураһында хәбәр килтерҙек, - тинеләр.

    15:53

14. قَالَ أَبَشَّرْتُمُونِي عَلَىٰ أَنْ مَسَّنِيَ الْكِبَرُ فَبِمَ تُبَشِّرُونَ

    - Ҡартлығым килеп еткәс кенә һеҙ мине (балаң тыуа­саҡ, тип) ҡыуандырырға килдегеҙме? Мине нәмә менән ҡыуандырасаҡһығыҙ? - тине Ибраһим.

    15:54

15. قَالُوا بَشَّرْنَاكَ بِالْحَقِّ فَلَا تَكُنْ مِنَ الْقَانِطِينَ

    - Беҙ һиңә дөрөҫөн һөйләргә килдек, аң бул, өмөтөңдө өҙмә, - тинеләр.

    15:55

16. قَالَ وَمَنْ يَقْنَطُ مِنْ رَحْمَةِ رَبِّهِ إِلَّا الضَّالُّونَ

    - Раббымдың рәхмәтенән бары тик юлдан яҙғандар ғына өмөт өҙә, - тине Ибраһим.

    15:56

17. قَالَ فَمَا خَطْبُكُمْ أَيُّهَا الْمُرْسَلُونَ

    - Әй, илселәр, тағын ниндәй йомошоғоҙ бар? - тине Ибраһим.

    15:57

18. قَالُوا إِنَّا أُرْسِلْنَا إِلَىٰ قَوْمٍ مُجْرِمِينَ

    Әйттеләр:- Беҙ гөнаһлы халыҡтарға (һәләк итергә) күндерелдек.

    15:58

19. إِلَّا آلَ لُوطٍ إِنَّا لَمُنَجُّوهُمْ أَجْمَعِينَ

    Лут ғәйләһенән тыш. (Лутныҡыларҙы) ҡотҡарасаҡбыҙ.

    15:59

20. إِلَّا امْرَأَتَهُ قَدَّرْنَا ۙ إِنَّهَا لَمِنَ الْغَابِرِينَ

    Луттың ҡатынынан башҡаһын (ҡотҡарасаҡбыҙ). Уны (ҡатынды) беҙ (язаға тартыр өсөн) аҙғындарҙан һананыҡ.

    15:60

Перевод: Башкирский перевод