Сүрә 37 Сафтар

1. وَالصَّافَّاتِ صَفًّا

   (Ғибәҙәт ҡылырға, тип) саф-саф теҙелгән фәрештәләр исеме менән;

   37:1

2. فَالزَّاجِرَاتِ زَجْرًا

   һәм яманлыҡтан тыйылып,

   37:2

3. فَالتَّالِيَاتِ ذِكْرًا

   (Ҡөръән уҡып, Аллаһты) зикер иткәндәр исеме менән ант итәм:

   37:3

4. إِنَّ إِلَٰهَكُمْ لَوَاحِدٌ

   Хәҡиҡәт шулдыр - һеҙҙең Тәңрегеҙ бер генә.

   37:4

5. رَبُّ السَّمَاوَاتِ وَالْأَرْضِ وَمَا بَيْنَهُمَا وَرَبُّ الْمَشَارِقِ

   Күктәр һәм Ер араһындағы бөтөн барлыҡтың хужаһы бер Аллаһ. Ҡояштың сығышы ла Аллаһ әмерендә.

   37:5

6. إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ

   Хаҡтыр, Беҙ иң яҡын Күкте зиннәтле йондоҙҙар менән биҙәп ҡуйҙыҡ.(Тимәк, беҙ Ерҙән күргән йондоҙҙар, йолдоҙлоҡтар - беренсе ҡат Күктең биҙәктәре. Беҙгә күренә торған яҡтылыҡ сығанаҡтары миллионлаған яҡтылыҡ йылы йыраҡлығында урынлашҡан. Күктәрҙең һәр ҡаты араһында миллионлаған яҡтылыҡ йылы ятһа, Күктең башҡа ҡатына хәтле триллионлаған яҡтылыҡ йылы аралығы ята. Был - сикһеҙлек тигән һүҙ. Ғәләмдең сикһеҙлегенә, ваҡыт сикһеҙлегенә, ваҡыттың шартлылығына Ҡөръәндә ишаралар күп. Аллаһ янында­ғы ваҡыт менән Ерҙә йәшәүселәр ваҡыты араһында илле мең йыл ята. Ғалимдар (Эйнштейн) был фекергә әле ошо ғасырҙа ғына килде. Быны мөғжизә тип әйтмәй, нимә тип әйтерһең!)

   37:6

7. وَحِفْظًا مِنْ كُلِّ شَيْطَانٍ مَارِدٍ

   Шулай итеп, Беҙ уны (Күкте) итәғәттән сыҡҡан һәр шайтандан һаҡланыҡ.

   37:7

8. لَا يَسَّمَّعُونَ إِلَى الْمَلَإِ الْأَعْلَىٰ وَيُقْذَفُونَ مِنْ كُلِّ جَانِبٍ

   Улар (шайтандар) күктәрҙә кәңә­шләшеүсе фәрештәләрҙең һүҙҙәрен ишетеп тормаһын өсөн, (йондоҙ таштары менән атылып) ҡыуылдылар.

   37:8

9. دُحُورًا ۖ وَلَهُمْ عَذَابٌ وَاصِبٌ

   Улар иге-сиге булмаясаҡ ғазапҡа дусар буласаҡ.

   37:9

10. إِلَّا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ

    Әгәр, (шайтандарҙың) берәйһе берәй сер эләктереп ҡаса башлаһа, уны бер сатҡы (атылған йондоҙ) эҙәрлекләйәсәк.

    37:10

11. فَاسْتَفْتِهِمْ أَهُمْ أَشَدُّ خَلْقًا أَمْ مَنْ خَلَقْنَا ۚ إِنَّا خَلَقْنَاهُمْ مِنْ طِينٍ لَازِبٍ

    Инде һин (Мөхәммәд) уларҙан (мөшриктәрҙән) һора: - Юҡтан бар итеп яралтыу эштәрендә улар (һындар, боттар) ҡеүәтлерәк яһалғанмы, әллә (фәрештәләр, күктәр, Ер йөҙө һәм улар араһындағы) бөтөн барлыҡмы? - тип. Хаҡтыр, Беҙ уларҙы (кешеләрҙе) йәбешкәк балсыҡтан яралттыҡ.

    37:11

12. بَلْ عَجِبْتَ وَيَسْخَرُونَ

    (Пәйғәмбәр булараҡ танымағандарына, Аллаһты инҡар иткәндәренә) һин ғәжәпләнәһең. Шуға күрә, улар мыҫҡыл итеп һинән көлә.

    37:12

13. وَإِذَا ذُكِّرُوا لَا يَذْكُرُونَ

    (Ҡөръән аяттары ярҙамында) үҙҙәренә вәғәз уҡылһа ла, өгөт бирелһә лә, ҡабул итмәҫтәр.

    37:13

14. وَإِذَا رَأَوْا آيَةً يَسْتَسْخِرُونَ

    Алдарына (Аллаһтың мөғжизәһе булған аяттарҙы) сығарып ҡуйһаң да, мәсхәрә итерҙәр.

    37:14

15. وَقَالُوا إِنْ هَٰذَا إِلَّا سِحْرٌ مُبِينٌ

    - Был - күҙ буяуҙан башҡа бер нимә лә түгел, - тинеләр.

    37:15

16. أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ

    - Үлеп, тупраҡ булғандан һуң, серек һөйәк өйөмөнә әүерелгәс тә беҙ яңынан тереләсәкбеҙме?

    37:16

17. أَوَآبَاؤُنَا الْأَوَّلُونَ

    Боронғо бабала­рыбыҙ ҙа шулай тереләсәкме? - тинеләр.

    37:17

18. قُلْ نَعَمْ وَأَنْتُمْ دَاخِرُونَ

    Һин әйт уларға:- Әлбиттә (тереләсәкһегеҙ). Тереләсәкһегеҙ ҙә, хурлыҡҡа ла ҡаласаҡһығыҙ, - тип.

    37:18

19. فَإِنَّمَا هِيَ زَجْرَةٌ وَاحِدَةٌ فَإِذَا هُمْ يَنْظُرُونَ

    Шунан һуң бары тик бер ҡаты ауаз килер (Сурға икенсе тапҡыр өрөлөр). Һәм уларҙың күҙе асылыр (улар үҙҙәре ҡылған яманлыҡтары өсөн ниндәй яза биреләсәген ап-асыҡ күрер).

    37:19

20. وَقَالُوا يَا وَيْلَنَا هَٰذَا يَوْمُ الدِّينِ

    - Эшебеҙ яман, яза Көнө килеп етте, - тип әйтерҙәр.

    37:20

Перевод: Башкирский перевод