Сүрә 9 Тәүбә

1. انْفِرُوا خِفَافًا وَثِقَالًا وَجَاهِدُوا بِأَمْوَالِكُمْ وَأَنْفُسِكُمْ فِي سَبِيلِ اللَّهِ ۚ ذَٰلِكُمْ خَيْرٌ لَكُمْ إِنْ كُنْتُمْ تَعْلَمُونَ

   (Әй, мөьминдәр) еңел булһа ла, ауыр булһа ла, малдарығыҙ, йәндәрегеҙ менән Аллаһ юлында Жиһад итегеҙ. Шулай ғәмәл ҡылһағыҙ, белеп тороғоҙ, һеҙгә бик тә хәйерле булыр.

   9:41

2. لَوْ كَانَ عَرَضًا قَرِيبًا وَسَفَرًا قَاصِدًا لَاتَّبَعُوكَ وَلَٰكِنْ بَعُدَتْ عَلَيْهِمُ الشُّقَّةُ ۚ وَسَيَحْلِفُونَ بِاللَّهِ لَوِ اسْتَطَعْنَا لَخَرَجْنَا مَعَكُمْ يُهْلِكُونَ أَنْفُسَهُمْ وَاللَّهُ يَعْلَمُ إِنَّهُمْ لَكَاذِبُونَ

   Һуғышта табыш алыу форсаты мәғлүм булһа, ба­расаҡ яу юлы яҡын булһа, һис шикһеҙ, улар һинең менән яуға сығыр ине. Ләкин мәшәҡәтле юл йыраҡ ине шул. Шуға күрә, улар яуға барманы. Аллаһ исеме менән ант итеп улар:- Их, көсөбөҙ булһа, беҙ ҙә һинең менән яуға барыр инек, - тип үҙҙәрен үҙҙәре һәләк итте. Гәрсә, Аллаһ уларҙың ял­ғансы икәнен теүәл белә ине.

   9:42

3. عَفَا اللَّهُ عَنْكَ لِمَ أَذِنْتَ لَهُمْ حَتَّىٰ يَتَبَيَّنَ لَكَ الَّذِينَ صَدَقُوا وَتَعْلَمَ الْكَاذِبِينَ

   Аллаһ һине ғәфү итте. Тура кешене һынап, уның тура икәнлегенә ышанмайынса, ни өсөн һин уларға һуғыштан ҡалырға рөхсәт иттең?

   9:43

4. لَا يَسْتَأْذِنُكَ الَّذِينَ يُؤْمِنُونَ بِاللَّهِ وَالْيَوْمِ الْآخِرِ أَنْ يُجَاهِدُوا بِأَمْوَالِهِمْ وَأَنْفُسِهِمْ ۗ وَاللَّهُ عَلِيمٌ بِالْمُتَّقِينَ

   Аллаһҡа һәм Әхирәт көнөнә инанғандар малдары, йәндәре менән һуғышыр өсөн һинән рөхсәт һорамаҫ. Аллаһ тәҡүә (ысын) мосолмандарҙы бик тә яҡшы белеп тора.

   9:44

5. إِنَّمَا يَسْتَأْذِنُكَ الَّذِينَ لَا يُؤْمِنُونَ بِاللَّهِ وَالْيَوْمِ الْآخِرِ وَارْتَابَتْ قُلُوبُهُمْ فَهُمْ فِي رَيْبِهِمْ يَتَرَدَّدُونَ

   Бары тик Аллаһҡа һәм Әхирәт көнөнә ышанмағандар һуғыштан ҡалырға һинән рөхсәт һорарҙар һәм уларҙың күңелдәрен шом баҫыр, Улар шуға аптырап йөрөр.

   9:45

6. وَلَوْ أَرَادُوا الْخُرُوجَ لَأَعَدُّوا لَهُ عُدَّةً وَلَٰكِنْ كَرِهَ اللَّهُ انْبِعَاثَهُمْ فَثَبَّطَهُمْ وَقِيلَ اقْعُدُوا مَعَ الْقَاعِدِينَ

   Һуғышта ҡатна­шырға теләгән булһалар, улар, һис шикһеҙ, алдан уҡ әҙер­ләнгән булыр ине. Ләкин Аллаһ уларҙың был ҡылғандарын (йәғни, ихлас түгеллектәрен) оҡшатманы, уларҙың һуғышҡа барыуҙарын теләмәне. Уларға:- Өйөгөҙҙәгеләр менән бергә ҡалығыҙ, - тине.

   9:46

7. لَوْ خَرَجُوا فِيكُمْ مَا زَادُوكُمْ إِلَّا خَبَالًا وَلَأَوْضَعُوا خِلَالَكُمْ يَبْغُونَكُمُ الْفِتْنَةَ وَفِيكُمْ سَمَّاعُونَ لَهُمْ ۗ وَاللَّهُ عَلِيمٌ بِالظَّالِمِينَ

   Улар һеҙҙең менән бергә һуғышҡа сыҡҡан булһалар ҙа, арағыҙҙы боҙоуҙан һәм фетнә сығарыуҙан башҡа нәмә эшләмәгән булырҙар ине. Уларҙың (фетнәүи) һүҙенә ҡолаҡ һалыусылар ҙа арағыҙҙа табылыр ине. Аллаһ гөнаһлыларҙы ғәйәт яҡшы белә.

   9:47

8. لَقَدِ ابْتَغَوُا الْفِتْنَةَ مِنْ قَبْلُ وَقَلَّبُوا لَكَ الْأُمُورَ حَتَّىٰ جَاءَ الْحَقُّ وَظَهَرَ أَمْرُ اللَّهِ وَهُمْ كَارِهُونَ

   Хаҡтыр, улар элек тә фетнә сығарырға йөрөнөләр һәм һиңә күпме мәкер ҡорҙолар. Ниһайәт, дөрөҫлөк инде, уларҙың көйөнөсөнә, Аллаһтың әмере еренә еткерелде.

   9:48

9. وَمِنْهُمْ مَنْ يَقُولُ ائْذَنْ لِي وَلَا تَفْتِنِّي ۚ أَلَا فِي الْفِتْنَةِ سَقَطُوا ۗ وَإِنَّ جَهَنَّمَ لَمُحِيطَةٌ بِالْكَافِرِينَ

   Уларҙың шундайҙары ла бар:- (Һуғышҡа бармаҫҡа) миңә рөхсәт бир, мине фетнәгә (вәсүәсәгә, йәғни мал талау, әсир ҡатындар менән зина ҡылыуға) юлыҡтырма, - тип хәйлә ҡорғандары ла. Белеп тороғоҙ, улар ысынлыҡта үҙҙәре фетнәселәрҙер. Кәферҙәрҙе, һис шикһеҙ, йәһәннәм уты солғаясаҡ.

   9:49

10. إِنْ تُصِبْكَ حَسَنَةٌ تَسُؤْهُمْ ۖ وَإِنْ تُصِبْكَ مُصِيبَةٌ يَقُولُوا قَدْ أَخَذْنَا أَمْرَنَا مِنْ قَبْلُ وَيَتَوَلَّوْا وَهُمْ فَرِحُونَ

    Һиңә бер изгелек (еңеү, ғәнимәт малы) килһә, улар асыуҙан ҡайғырыр. Башыңа берәй бәлә (еңелеү, таланыу) килһә, улар:- Ярай әле, беҙ алдан әмәлен күрҙек (һуғышҡа барманыҡ), - тип, танауҙарын сөйөп, һөйөнә-һөйөнә китәләр.

    9:50

11. قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ

    Әйт һин:- Аллаһ яҙғандан башҡа нәмә беҙҙең өҫкә килмәҫ. Ул- беҙҙең ярҙамсыбыҙ. Шуға күрә, һеҙ - мосолмандар, бары тик Аллаһҡа инанығыҙ, - тип.

    9:51

12. قُلْ هَلْ تَرَبَّصُونَ بِنَا إِلَّا إِحْدَى الْحُسْنَيَيْنِ ۖ وَنَحْنُ نَتَرَبَّصُ بِكُمْ أَنْ يُصِيبَكُمُ اللَّهُ بِعَذَابٍ مِنْ عِنْدِهِ أَوْ بِأَيْدِينَا ۖ فَتَرَبَّصُوا إِنَّا مَعَكُمْ مُتَرَبِّصُونَ

    Әйт һин:- Һеҙ: беҙгә ике изгелектең береһе килер, тип көтәһегеҙме? Беҙ ҙә: һеҙҙең башығыҙға ике яманлыҡтың береһе килер, тип көтәбеҙ. Һеҙгә Аллаһтан яза килер йәки Аллаһ һеҙҙе беҙҙең ҡулдар менән һәләк итер, тип. Һеҙ ҙә көтөгөҙ, беҙ ҙә көтәбеҙ, - тип.

    9:52

13. قُلْ أَنْفِقُوا طَوْعًا أَوْ كَرْهًا لَنْ يُتَقَبَّلَ مِنْكُمْ ۖ إِنَّكُمْ كُنْتُمْ قَوْمًا فَاسِقِينَ

    Әйт һин (монафиҡтарға):- Үҙ теләгегеҙ менән биргән сығымдарғыҙ (саҙаҡағыҙ) ҙа, ирекһеҙҙән биргәнегеҙ ҙә ҡабул ителмәҫ, сөнки һеҙ юлдан яҙған тоҡом, - тип.

    9:53

14. وَمَا مَنَعَهُمْ أَنْ تُقْبَلَ مِنْهُمْ نَفَقَاتُهُمْ إِلَّا أَنَّهُمْ كَفَرُوا بِاللَّهِ وَبِرَسُولِهِ وَلَا يَأْتُونَ الصَّلَاةَ إِلَّا وَهُمْ كُسَالَىٰ وَلَا يُنْفِقُونَ إِلَّا وَهُمْ كَارِهُونَ

    Аллаһҡа һәм уның Рәсүленә ышанмауҙары арҡаһында, намаҙҙы теләр-теләмәҫ уҡығанға күрә, саҙаҡаны рия менән, (ауырыһынып) биргәнгә күрә, уларҙың саҙаҡалары ҡабул булманы.

    9:54

15. فَلَا تُعْجِبْكَ أَمْوَالُهُمْ وَلَا أَوْلَادُهُمْ ۚ إِنَّمَا يُرِيدُ اللَّهُ لِيُعَذِّبَهُمْ بِهَا فِي الْحَيَاةِ الدُّنْيَا وَتَزْهَقَ أَنْفُسُهُمْ وَهُمْ كَافِرُونَ

    (Эй, Мөхәммәд) уларҙың (кәферҙәрҙең) байлығы һәм балаларының күплеге һине ҡыҙыҡтырмаһын, Аллаһ фани донъяла уҡ уларҙың ғазаптарын күбәйтеп, уларҙың кәфер булараҡ йән биреүҙәрен теләй.

    9:55

16. وَيَحْلِفُونَ بِاللَّهِ إِنَّهُمْ لَمِنْكُمْ وَمَا هُمْ مِنْكُمْ وَلَٰكِنَّهُمْ قَوْمٌ يَفْرَقُونَ

    (Монафиҡтар) беҙ ҙә һеҙҙең кеүек (мосолманбыҙ), тип Аллаһ исеме менән ант итә. Гәрсә, улар һеҙҙең кеүек (мосолман) түгел, улар бары тик (һеҙҙең ҡылыстан) ҡурҡҡан бер ҡәүемдер.

    9:56

17. لَوْ يَجِدُونَ مَلْجَأً أَوْ مَغَارَاتٍ أَوْ مُدَّخَلًا لَوَلَّوْا إِلَيْهِ وَهُمْ يَجْمَحُونَ

    Һыйыныр урын йәки ҡасырлыҡ мәмерйә йәки ке­реп ҡотолорлоҡ бер тишек тапһалар, улар (һеҙҙән, диндән ҡасып) шул тарафҡа йүнәлерҙәр ине.

    9:57

18. وَمِنْهُمْ مَنْ يَلْمِزُكَ فِي الصَّدَقَاتِ فَإِنْ أُعْطُوا مِنْهَا رَضُوا وَإِنْ لَمْ يُعْطَوْا مِنْهَا إِذَا هُمْ يَسْخَطُونَ

    Саҙаҡалар хаҡын­да уларҙың һине ғәйепләгәндәре лә бар. Саҙаҡаларҙан уларға ла (бер өлөш) бирелһә, риза булалар, ә инде, уларға саҙа­ҡаларҙан (өлөш) бирелмәһә, асыуланалар.

    9:58

19. وَلَوْ أَنَّهُمْ رَضُوا مَا آتَاهُمُ اللَّهُ وَرَسُولُهُ وَقَالُوا حَسْبُنَا اللَّهُ سَيُؤْتِينَا اللَّهُ مِنْ فَضْلِهِ وَرَسُولُهُ إِنَّا إِلَى اللَّهِ رَاغِبُونَ

    Әгәр улар Аллаһ менән Рәсүле биргәндәргә риза булып:- Аллаһ беҙгә етә, оҙаҡламай Аллаһ ниғмәтен бирәсәк, Рәсүлебеҙ ҙә беҙгә изгелекле буласаҡ; беҙ бары тик Аллаһтан ғына өмөт итәбеҙ, - тип әйтһәләр, бик яҡшы булыр ине лә һуң.

    9:59

20. إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَابْنِ السَّبِيلِ ۖ فَرِيضَةً مِنَ اللَّهِ ۗ وَاللَّهُ عَلِيمٌ حَكِيمٌ

    Саҙаҡа (зәкәт) Аллаһтан бер фарыз булараҡ, бары тик фәҡирҙәргә, меҫкендәргә, (зәкәт эштәрен башҡарыусы) йомошсоларға, күңелдәре (Исламға) ятҡандар­ға, (иреккә сығыу өсөн йән атҡан) ҡолдарға, бурысҡа батҡан­дарға, Аллаһ юлында көс сарыф итеп, Жиһадта ҡатнаш­ҡандарға, юлсыларға бирелергә тейеш. Аллаһ барыһын да бик яҡшы белеп тороусы һәм хикмәттәр эйәһеҙер.

    9:60

Перевод: Башкирский перевод