Мүсхәф, бит 484

1. فَاطِرُ السَّمَاوَاتِ وَالْأَرْضِ ۚ جَعَلَ لَكُمْ مِنْ أَنْفُسِكُمْ أَزْوَاجًا وَمِنَ الْأَنْعَامِ أَزْوَاجًا ۖ يَذْرَؤُكُمْ فِيهِ ۚ لَيْسَ كَمِثْلِهِ شَيْءٌ ۖ وَهُوَ السَّمِيعُ الْبَصِيرُ

   Ул - күктәрҙе, Ерҙе юҡтан бар итеүсе. Ул һеҙҙе лә, хайуандарҙы ла пар-пар итеп яралтты. Шулай итеп, ул һеҙҙең үрсеүегеҙгә юл асты. Уның тиңдәше (Уға оҡшаш) юҡ. Ул бөтөн нәмәне ишетеп, белеп тора.

   42:11

2. لَهُ مَقَالِيدُ السَّمَاوَاتِ وَالْأَرْضِ ۖ يَبْسُطُ الرِّزْقَ لِمَنْ يَشَاءُ وَيَقْدِرُ ۚ إِنَّهُ بِكُلِّ شَيْءٍ عَلِيمٌ

   Күктәрҙең һәм Ерҙең (хазина һәм сер) асҡыстары Уның ҡарамағында. Теләгәненә ризыҡты мул бирер, телә­мәгәненең ризығын киҫер. Ул һәр нәмәне белеп тора.

   42:12

3. شَرَعَ لَكُمْ مِنَ الدِّينِ مَا وَصَّىٰ بِهِ نُوحًا وَالَّذِي أَوْحَيْنَا إِلَيْكَ وَمَا وَصَّيْنَا بِهِ إِبْرَاهِيمَ وَمُوسَىٰ وَعِيسَىٰ ۖ أَنْ أَقِيمُوا الدِّينَ وَلَا تَتَفَرَّقُوا فِيهِ ۚ كَبُرَ عَلَى الْمُشْرِكِينَ مَا تَدْعُوهُمْ إِلَيْهِ ۚ اللَّهُ يَجْتَبِي إِلَيْهِ مَنْ يَشَاءُ وَيَهْدِي إِلَيْهِ مَنْ يُنِيبُ

   - Динде (саф килеш) һаҡлағыҙ, диндә айырылышмағыҙ, - тип Нухҡа васыят иттек. Һиңә уахи иткәнебеҙҙе Ибраһимға ла уахи иттек. Мусаға ла, Ғайсаға ла васыят иткәнебеҙҙе Аллаһ һеҙгә лә дин итте. Аллаһҡа уртаҡ уйлап сығарғандарға һин өндәгән (дин) бик ауырға тура килде. Аллаһ үҙе теләгән кешене пәйғәмбәр итер һәм үҙенә йүнәлгән­дәрҙе тура юлға баҫтырыр.

   42:13

4. وَمَا تَفَرَّقُوا إِلَّا مِنْ بَعْدِ مَا جَاءَهُمُ الْعِلْمُ بَغْيًا بَيْنَهُمْ ۚ وَلَوْلَا كَلِمَةٌ سَبَقَتْ مِنْ رَبِّكَ إِلَىٰ أَجَلٍ مُسَمًّى لَقُضِيَ بَيْنَهُمْ ۚ وَإِنَّ الَّذِينَ أُورِثُوا الْكِتَابَ مِنْ بَعْدِهِمْ لَفِي شَكٍّ مِنْهُ مُرِيبٍ

   Уларға белем (мәғлүмәт) килгәс, фекер ҡаршылыҡтары һәм хөсөтлөк (үҙ-ара яманлыҡ) арҡаһында, айырым фирҡәләргә бүленеп бөттөләр. Әгәр ҙә мәғлүм бер ваҡытҡаса (уларҙың язаһын кисектереп торам, тип Аллаһ) әйтмәһә ине, (һәләк итеп) уларҙы хөкөм иткән булыр ине. Уларҙан һуң Китапҡа (Тәүрәт­кә, Инжилгә) вәриҫ булғандар (йәһүдтәр, христиандар) уның хаҡында (Мөхәммәдтең пәйғәмбәрлеге, Ҡөръәндең Аллаһтан иңеүенә) бик ныҡ шикләнәләр.

   42:14

5. فَلِذَٰلِكَ فَادْعُ ۖ وَاسْتَقِمْ كَمَا أُمِرْتَ ۖ وَلَا تَتَّبِعْ أَهْوَاءَهُمْ ۖ وَقُلْ آمَنْتُ بِمَا أَنْزَلَ اللَّهُ مِنْ كِتَابٍ ۖ وَأُمِرْتُ لِأَعْدِلَ بَيْنَكُمُ ۖ اللَّهُ رَبُّنَا وَرَبُّكُمْ ۖ لَنَا أَعْمَالُنَا وَلَكُمْ أَعْمَالُكُمْ ۖ لَا حُجَّةَ بَيْنَنَا وَبَيْنَكُمُ ۖ اللَّهُ يَجْمَعُ بَيْنَنَا ۖ وَإِلَيْهِ الْمَصِيرُ

   Шуға күрә, һин берләшергә өндә һәм һиңә бойоролғанса (Исламға) тоғро бул. Уларҙың нәфселәренә эйәрмә һәм әйт:- Мин Аллаһ индергән Китапҡа инандым һәм арағыҙҙа ғәҙеллек менән эш йөрөтөргә вазифаландым. Аллаһ - беҙҙең Раббыбыҙ, һеҙҙең дә Раббығыҙ. Беҙҙең ғәмәлдәребеҙ - беҙгә, һеҙҙең ғәмәлдәрегеҙ - һеҙгә. Үҙ-ара бәхәсләшергә сәбәп юҡ. Аллаһ бөтөнөбөҙҙө лә бер урынға туплар, ҡайтарылыш та Уның хозурына буласаҡ, - тип.

   42:15

Перевод: Башкирский перевод