Мүсхәф, бит 508

1. إِنَّ اللَّهَ يُدْخِلُ الَّذِينَ آمَنُوا وَعَمِلُوا الصَّالِحَاتِ جَنَّاتٍ تَجْرِي مِنْ تَحْتِهَا الْأَنْهَارُ ۖ وَالَّذِينَ كَفَرُوا يَتَمَتَّعُونَ وَيَأْكُلُونَ كَمَا تَأْكُلُ الْأَنْعَامُ وَالنَّارُ مَثْوًى لَهُمْ

   Хаҡтыр, Аллаһ иман килтереп, изгелек ҡылғандар­ҙы аҫтарынан йылғалар ағып ятыусы йәннәттәргә урынлаш­тырыр. Кәферлек ҡылыусылар был донъяла кәйеф-сафа ҡорор (ләззәтләнерҙәр), хайуан кеүек ашап туймаҫ. Уларҙың урыны - тамуҡ.

   47:12

2. وَكَأَيِّنْ مِنْ قَرْيَةٍ هِيَ أَشَدُّ قُوَّةً مِنْ قَرْيَتِكَ الَّتِي أَخْرَجَتْكَ أَهْلَكْنَاهُمْ فَلَا نَاصِرَ لَهُمْ

   Беҙ күпме мәмләкәтте һәләк иттек. Юҡһа, улар һинең шәһәреңдән (Мәккәнән дә) ҡеүәтлерәк ине. (Беҙ уларҙы язаға тартҡанда) һис бер ярҙамсы булманы.

   47:13

3. أَفَمَنْ كَانَ عَلَىٰ بَيِّنَةٍ مِنْ رَبِّهِ كَمَنْ زُيِّنَ لَهُ سُوءُ عَمَلِهِ وَاتَّبَعُوا أَهْوَاءَهُمْ

   Раббының ап-асыҡ бәйән ителгән хаҡ динен ихлас тотоусы (мосолман) менән яман эштәре үҙенә яҡшы булып күренгән һәм нәфсе һәүәҫлегенә дусар булған (кәфер) бер тигеҙ булырмы?

   47:14

4. مَثَلُ الْجَنَّةِ الَّتِي وُعِدَ الْمُتَّقُونَ ۖ فِيهَا أَنْهَارٌ مِنْ مَاءٍ غَيْرِ آسِنٍ وَأَنْهَارٌ مِنْ لَبَنٍ لَمْ يَتَغَيَّرْ طَعْمُهُ وَأَنْهَارٌ مِنْ خَمْرٍ لَذَّةٍ لِلشَّارِبِينَ وَأَنْهَارٌ مِنْ عَسَلٍ مُصَفًّى ۖ وَلَهُمْ فِيهَا مِنْ كُلِّ الثَّمَرَاتِ وَمَغْفِرَةٌ مِنْ رَبِّهِمْ ۖ كَمَنْ هُوَ خَالِدٌ فِي النَّارِ وَسُقُوا مَاءً حَمِيمًا فَقَطَّعَ أَمْعَاءَهُمْ

   (Гөнаһтан) һаҡланғандарға вәғәҙә ителгән йәннәттең сифаты шулдыр: шунда төҫө, иҫе-тәме, асылы боҙолмаған һыуҙар ағып тороусы шишмәләр; әсемәй торған һөт йылғалары, күңел күтәреүсе, ләззәтле шәрбәт йылғалары, шыйыҡ бал аға торған йылғалар булыр. (Теләгән кешегә) төрлө-төрлө емештәр. Раббынан ярлыҡау булыр. Былар (ожмахтағылар) утта ҡалған һәм эсәктәрен, ашҡаҙандарын телгәләүсе ҡай­нар һыу эсеүләр менән бер тигеҙ булырмы?

   47:15

5. وَمِنْهُمْ مَنْ يَسْتَمِعُ إِلَيْكَ حَتَّىٰ إِذَا خَرَجُوا مِنْ عِنْدِكَ قَالُوا لِلَّذِينَ أُوتُوا الْعِلْمَ مَاذَا قَالَ آنِفًا ۚ أُولَٰئِكَ الَّذِينَ طَبَعَ اللَّهُ عَلَىٰ قُلُوبِهِمْ وَاتَّبَعُوا أَهْوَاءَهُمْ

   Кәферҙәрҙән шундайҙары ла бар, ул һинең өгөтөңдө тыңлап тора. Яныңдан китеүгә үк белеме булған кешеләрҙән:- Әле яңы ғына ул нимә тураһында һөйләне һуң? - тип һорар. Аллаһ уларҙың күңеленә кәферлек мөһөрө баҫты. Улар - нәфсе һәүәҫлегенә бирелгән бәндәләр.

   47:16

6. وَالَّذِينَ اهْتَدَوْا زَادَهُمْ هُدًى وَآتَاهُمْ تَقْوَاهُمْ

   Тура юлға баҫҡандарҙың (мөьминдәрҙең) һиҙәйәтен Аллаһ тағын да арттырыр. (Диндәге) паҡлыҡтарын һаҡларға форсат бирер.

   47:17

7. فَهَلْ يَنْظُرُونَ إِلَّا السَّاعَةَ أَنْ تَأْتِيَهُمْ بَغْتَةً ۖ فَقَدْ جَاءَ أَشْرَاطُهَا ۚ فَأَنَّىٰ لَهُمْ إِذَا جَاءَتْهُمْ ذِكْرَاهُمْ

   Ул Сәғәттең (Ҡиәмәттең) өҫтәренә көтмәгәндә киләсәгенән башҡа яҙмыш көтәләрме ни һуң улар? Уның ғәлә­мәттәре инде күренә лә башланы. Шулай булғас, ул (Ҡиәмәт язаһы) килгәс кенә ғибрәт алып, тәүбә итеүҙәре фай­ҙа бирмәҫ.

   47:18

8. فَاعْلَمْ أَنَّهُ لَا إِلَٰهَ إِلَّا اللَّهُ وَاسْتَغْفِرْ لِذَنْبِكَ وَلِلْمُؤْمِنِينَ وَالْمُؤْمِنَاتِ ۗ وَاللَّهُ يَعْلَمُ مُتَقَلَّبَكُمْ وَمَثْوَاكُمْ

   Һин белеп тор:- Аллаһтың Үҙенән башҡа (Илаһи ҡөҙрәткә эйә һәм) Тәңре булырҙай һис бер кем юҡ, -тигән Хәҡиҡәтте онотма. Һәм үҙең, һәм мосолман ирҙәр менән мосолман ҡатын-ҡыҙҙарҙың гөнаһтары ярлыҡанһын, тип телә. Аллаһ(көндөҙ) ҡайҙа йөргәнегеҙҙе лә, (төндә) ҡайҙа барғанығыҙҙы ла белеп тора.

   47:19

Перевод: Башкирский перевод