Мүсхәф, бит 573

1. وَأَنَّا مِنَّا الْمُسْلِمُونَ وَمِنَّا الْقَاسِطُونَ ۖ فَمَنْ أَسْلَمَ فَأُولَٰئِكَ تَحَرَّوْا رَشَدًا

   Ысынлыҡта, ҡайһыбыҙ мосолман булды, ҡайһыбыҙ юлдан яҙҙы. Тура юлды эҙләп тапҡандар - мосолман булыр.

   72:14

2. وَأَمَّا الْقَاسِطُونَ فَكَانُوا لِجَهَنَّمَ حَطَبًا

   Ғәҙелһеҙ залимдар йәһәннәм киҫәүе булыр.(Ендәр тип әкиәттәрҙәге һәм кешеләрҙең күҙ алдына килтерә торған «ҡойроҡло ендәр» күҙ алдында тотолмай. Мәүләнә Али нөсхәһендә «ендәр» тип атала торған халыҡтар - кешеләр тураһында һөйләнә. Был «ендәр» астрологтар, фекерҙәре менән Күккә менеп, сихыр һәм ырымдары менән халыҡты алдаусы ҡәүем икәнлеге әйтелә.)

   72:15

3. وَأَنْ لَوِ اسْتَقَامُوا عَلَى الطَّرِيقَةِ لَأَسْقَيْنَاهُمْ مَاءً غَدَقًا

   Әгәр ҙә улар тура юлдан сыҡмайынса барһа, әлбиттә, уларға Беҙ мул итеп ямғыр яуҙырыр инек.

   72:16

4. لِنَفْتِنَهُمْ فِيهِ ۚ وَمَنْ يُعْرِضْ عَنْ ذِكْرِ رَبِّهِ يَسْلُكْهُ عَذَابًا صَعَدًا

   Шулай итеп, Беҙ уларҙы һынап ҡарар инек. Раббыны зикер итеүҙән баш тартҡан кешене Аллаһ хәтәр ғазапҡа тартыр.

   72:17

5. وَأَنَّ الْمَسَاجِدَ لِلَّهِ فَلَا تَدْعُوا مَعَ اللَّهِ أَحَدًا

   Барса мәсеттәр бары тик Аллаһҡа ғибәҙәт ҡылыу урыны. Шуға күрә, һеҙ Аллаһҡа тиң тип, һис бер башҡа зат­ҡа табынмағыҙ.

   72:18

6. وَأَنَّهُ لَمَّا قَامَ عَبْدُ اللَّهِ يَدْعُوهُ كَادُوا يَكُونُونَ عَلَيْهِ لِبَدًا

   Хәҡиҡәт, Аллаһтың ҡоло (Мөхәммәд) Раббыға ғибәҙәт ҡылыр өсөн ҡалҡҡанда (Ҡөрьән тыңлар өсөн килгән ендәр) араларынан ел үтмәҫлек бу­лып, тығыҙ урынлашты.

   72:19

7. قُلْ إِنَّمَا أَدْعُو رَبِّي وَلَا أُشْرِكُ بِهِ أَحَدًا

   Әйт һин:- Мин бары тик Раббыма доға ҡыламын. Уға һис бер тиңдәш тотмам, - тип.

   72:20

8. قُلْ إِنِّي لَا أَمْلِكُ لَكُمْ ضَرًّا وَلَا رَشَدًا

   Әйт һин:- Хаҡтыр, мин һеҙҙең өсөн зарар ҙа, файҙа ла эштәр дәрәжәләге зат түгелмен, - тип.

   72:21

9. قُلْ إِنِّي لَنْ يُجِيرَنِي مِنَ اللَّهِ أَحَدٌ وَلَنْ أَجِدَ مِنْ دُونِهِ مُلْتَحَدًا

   Әйт һин:- Хаҡтыр, (Кәферлек ҡылһам) мине Аллаһтың язаһынан берәү ҙә ҡотҡара алмаҫ. Аллаһтан башҡа һыйыныр зат мин таба алмам, - тип.

   72:22

10. إِلَّا بَلَاغًا مِنَ اللَّهِ وَرِسَالَاتِهِ ۚ وَمَنْ يَعْصِ اللَّهَ وَرَسُولَهُ فَإِنَّ لَهُ نَارَ جَهَنَّمَ خَالِدِينَ فِيهَا أَبَدًا

    - Минең ҡулымдан килгән эш - Аллаһтың хөкөмдәрен, киҫәтеү-һөйөнсөләрен һеҙгә ирештереү. Аллаһҡа, Пәйғәмбәргә ҡаршы баш күтәргән кеше, һис шикһеҙ, йәһәннәм утына лайыҡ булыр, ул шунда мәңгегә ҡала­саҡ.

    72:23

11. حَتَّىٰ إِذَا رَأَوْا مَا يُوعَدُونَ فَسَيَعْلَمُونَ مَنْ أَضْعَفُ نَاصِرًا وَأَقَلُّ عَدَدًا

    Ниһайәт, улар вәғәҙә ителгән язаны күргәс, кемдең ярҙамсылары әҙ, кемдеке күп икәнен белер.

    72:24

12. قُلْ إِنْ أَدْرِي أَقَرِيبٌ مَا تُوعَدُونَ أَمْ يَجْعَلُ لَهُ رَبِّي أَمَدًا

    Әйт һин:- Вәғәҙә ителгән ғазаптың яҡынмы, әллә Раббы уны оҙаҡ ваҡытҡа кисектергәнме икәнен мин белмәйем,- тип. -

    72:25

13. عَالِمُ الْغَيْبِ فَلَا يُظْهِرُ عَلَىٰ غَيْبِهِ أَحَدًا

    Йәшерен серҙәрҙе бары тик Ул ғына белә. Һәм Аллаһ йәшерен серҙәрҙең асҡысын бер кемгә лә бирмәй.

    72:26

14. إِلَّا مَنِ ارْتَضَىٰ مِنْ رَسُولٍ فَإِنَّهُ يَسْلُكُ مِنْ بَيْنِ يَدَيْهِ وَمِنْ خَلْفِهِ رَصَدًا

    Үҙенә айырыуса яҡын, Уның ризалығын ҡаҙанған Пәйғәмбәренән башҡа. Ул (Пәйғәмбәрҙең) алдына ла, артына ла күҙәтеүселәр (һаҡсылар) ҡуйылған.

    72:27

15. لِيَعْلَمَ أَنْ قَدْ أَبْلَغُوا رِسَالَاتِ رَبِّهِمْ وَأَحَاطَ بِمَا لَدَيْهِمْ وَأَحْصَىٰ كُلَّ شَيْءٍ عَدَدًا

    Шулай итеп, уларҙың (пәйғәмбәрҙәр­ҙең) Раббы күндергән әмерҙәрҙе дөп-дөрөҫ итеп еткерәме икәнлектәрен барлар өсөн, Аллаһ Пәйғәмбәр янында бул­ғандарҙың барыһын да ғилеме менән уратып алған һәм һәр береһенең һанын берәмләп теркәгән.

    72:28

Перевод: Башкирский перевод