Сүрә 23 Мөьминдәр
-
فَأَخَذَتْهُمُ الصَّيْحَةُ بِالْحَقِّ فَجَعَلْنَاهُمْ غُثَاءً ۚ فَبُعْدًا لِلْقَوْمِ الظَّالِمِينَ
Ысынлап та, ҡурҡыныс, әммә ғәҙел бер ауаз уларҙы ҡасып ҡотола алмаҫлыҡ ҡаты итеп тотто. Һәм Беҙ уларҙы, ҡоро сүп үләне кеүек, өйөрмә менән алып киттек. Залимдарҙың йәндәре йәһәннәмгә эләкһен.
23:41 -
ثُمَّ أَنْشَأْنَا مِنْ بَعْدِهِمْ قُرُونًا آخَرِينَ
Һуңынан улар урынына башҡа ҡәүемдәрҙе бар иттек.
23:42 -
مَا تَسْبِقُ مِنْ أُمَّةٍ أَجَلَهَا وَمَا يَسْتَأْخِرُونَ
Һис бер өммәт (үҙенә Аллаһ тарафынан билгеләнгән) уаҡытын (әжәлен) ашыҡтыра алмаған кеүек, уны кисектерә лә алмаҫ.
23:43 -
ثُمَّ أَرْسَلْنَا رُسُلَنَا تَتْرَىٰ ۖ كُلَّ مَا جَاءَ أُمَّةً رَسُولُهَا كَذَّبُوهُ ۚ فَأَتْبَعْنَا بَعْضَهُمْ بَعْضًا وَجَعَلْنَاهُمْ أَحَادِيثَ ۚ فَبُعْدًا لِقَوْمٍ لَا يُؤْمِنُونَ
Беҙ бер-бер артлы пәйғәмбәрҙәр күндерҙек. Пәйғәмбәрҙәр килгән һайын, улар (мөшриктәр, кәферҙәр) пәйғәмбәрҙәрҙе ялғансыға сығара барҙылар. Беҙ ҙә уларҙы (инҡарсыларҙы) берһе артынан икенсеһен юҡ итә барҙыҡ. Һәм, (башҡаларға) ғибрәт булһын тип, уларҙы хикәйәттәребеҙгә керттек. Иман китермәгәндәрҙең йәне - йәһәннәмдә.
23:44 -
ثُمَّ أَرْسَلْنَا مُوسَىٰ وَأَخَاهُ هَارُونَ بِآيَاتِنَا وَسُلْطَانٍ مُبِينٍ
Унан һуң аяттарыбыҙ һәм ап-асыҡ дәлилдәребеҙ менән Муса һәм уның ҡәрҙәше Һарунды Фирғәүенгә һәм уның ярандарына (дәрәжәле кешеләренә) күндерҙек.
23:45 -
إِلَىٰ فِرْعَوْنَ وَمَلَئِهِ فَاسْتَكْبَرُوا وَكَانُوا قَوْمًا عَالِينَ
Ләкин улар (Фирғәүен ҡәүеме) тәкәббер һәм маһайған халыҡ булып сыҡты.
23:46 -
فَقَالُوا أَنُؤْمِنُ لِبَشَرَيْنِ مِثْلِنَا وَقَوْمُهُمَا لَنَا عَابِدُونَ
Улар әйтте:- Беҙгә буйһонған халыҡ араһынан сыҡҡан, беҙҙең кеүек үк ошо ике кешегә эйәрергә тейешме беҙ?
23:47 -
فَكَذَّبُوهُمَا فَكَانُوا مِنَ الْمُهْلَكِينَ
Шулай итеп, уларҙы ялғансыға сығарҙылар, һәм шуның арҡаһында һәләк булдылар ҙа.
23:48 -
وَلَقَدْ آتَيْنَا مُوسَى الْكِتَابَ لَعَلَّهُمْ يَهْتَدُونَ
Дөрөҫө шул, бәлки, улар тура юлдан китерҙәр тип, Мусаға Китап бирҙек.
23:49 -
وَجَعَلْنَا ابْنَ مَرْيَمَ وَأُمَّهُ آيَةً وَآوَيْنَاهُمَا إِلَىٰ رَبْوَةٍ ذَاتِ قَرَارٍ وَمَعِينٍ
Мәрйәмдең улы (Ғайсаны), уның әсәһен (ҡөҙрәтебеҙ менән) аятта үрнәк ҡылдыҡ. Уларҙы уңайлы урынға, шишмәле ҡалҡыулыҡҡа урынлаштырҙыҡ..
23:50 -
يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحًا ۖ إِنِّي بِمَا تَعْمَلُونَ عَلِيمٌ
Әй, пәйғәмбәрҙәрем! Паҡ-хәләл ризыҡтар ғына ашағыҙ. Изгелек ҡылығыҙ. Һеҙ ҡылғандарҙың барыһын да Мин дөрөҫө менән белеп торам.
23:51 -
وَإِنَّ هَٰذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاتَّقُونِ
Шик юҡтыр, һеҙҙең динегеҙ - берҙән-бер хаҡ дин. Мин һеҙҙең Раббығыҙ булам. Минең язамдан ҡурҡығыҙ.
23:52 -
فَتَقَطَّعُوا أَمْرَهُمْ بَيْنَهُمْ زُبُرًا ۖ كُلُّ حِزْبٍ بِمَا لَدَيْهِمْ فَرِحُونَ
Аяныс, кешеләр үҙ-ара боҙолошоп, (дин) эштәрен айырым-айырым киҫәктәргә бүлгеләп бөтөрҙөләр. Һәр фирҡә үҙ (дин)ен маҡтап, уны ғына хаҡ (дин), тип шатлана.
23:53 -
فَذَرْهُمْ فِي غَمْرَتِهِمْ حَتَّىٰ حِينٍ
Хәҙер инде һин мәғлүм бер уаҡытҡа саҡлы уларҙы аҙашҡан хәлдә, үз юлдарында ҡалдырып кит.
23:54 -
أَيَحْسَبُونَ أَنَّمَا نُمِدُّهُمْ بِهِ مِنْ مَالٍ وَبَنِينَ
Үҙҙәренә муллыҡ һәм күп улдар биргәс, улар: (Аллаһ) беҙгә яҡшылыҡ эшләргә ашҡынып тора икән, тип уйлайҙар, ахырыһы.
23:55 -
نُسَارِعُ لَهُمْ فِي الْخَيْرَاتِ ۚ بَلْ لَا يَشْعُرُونَ
Юҡ шул! Улар (эштең асылын) аңлап бөтөрмәй.
23:56 -
إِنَّ الَّذِينَ هُمْ مِنْ خَشْيَةِ رَبِّهِمْ مُشْفِقُونَ
Хаҡтыр, Раббыны бөйөк күреп, (гөнаһ ҡылыуҙан) ҡурҡып, ғибәҙәт ҡылыусылар бына кемдәр:
23:57 -
وَالَّذِينَ هُمْ بِآيَاتِ رَبِّهِمْ يُؤْمِنُونَ
Улар Раббының аяттарына ныҡлы иман килтергәндәр,
23:58 -
وَالَّذِينَ هُمْ بِرَبِّهِمْ لَا يُشْرِكُونَ
Улар Раббыға тиң, тип башҡа заттарға табынмағандар,
23:59 -
وَالَّذِينَ يُؤْتُونَ مَا آتَوْا وَقُلُوبُهُمْ وَجِلَةٌ أَنَّهُمْ إِلَىٰ رَبِّهِمْ رَاجِعُونَ
Улар Раббы янына ҡайтарыласаҡтарын белеп, ҡурҡып, бирәсәктәрен (бурыс-әжәт, хәйер, саҙаҡа, зәкәтте) ихлас күңелдән ҡайтарғандар,
23:60
Перевод: Башкирский перевод