Сүрә 23 Мөьминдәр
-
أُولَٰئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ
ярыша-ярыша (бер-берһен уҙҙырырға тырышып) изгелек ҡылыусылар. (Әжер-сауап алғанда) улар иң алғы сафта булыр.
23:61 -
وَلَا نُكَلِّفُ نَفْسًا إِلَّا وُسْعَهَا ۖ وَلَدَيْنَا كِتَابٌ يَنْطِقُ بِالْحَقِّ ۚ وَهُمْ لَا يُظْلَمُونَ
Беҙ һис бер кемгә көсө етмәҫлек эш йөкләмәйбеҙ. Яныбыҙҙа дөрөҫлөктө бәйән ҡылыусы бер китап (Ләүхел Мәхфүз) бар, Улар хаҡһыҙға рәнйетелмәҫ.
23:62 -
بَلْ قُلُوبُهُمْ فِي غَمْرَةٍ مِنْ هَٰذَا وَلَهُمْ أَعْمَالٌ مِنْ دُونِ ذَٰلِكَ هُمْ لَهَا عَامِلُونَ
Юҡ, улар (инҡарсылар) былар тураһында хәбәрҙар түгел, һәм бынан башҡа ла улар ҡылған гөнаһтар байтаҡ. Әле ҡылаһылары күпме!
23:63 -
حَتَّىٰ إِذَا أَخَذْنَا مُتْرَفِيهِمْ بِالْعَذَابِ إِذَا هُمْ يَجْأَرُونَ
Байлыҡ-муллыҡ эсендә йәшәүселәрен язаға тотһаҡ, улар шунда уҡ ярҙам һорап ҡысҡыра башлай.
23:64 -
لَا تَجْأَرُوا الْيَوْمَ ۖ إِنَّكُمْ مِنَّا لَا تُنْصَرُونَ
Уларға:- Зарланмағыҙ, һеҙгә беҙҙән ярҙам булмаҫ! - тип әйтербеҙ.
23:65 -
قَدْ كَانَتْ آيَاتِي تُتْلَىٰ عَلَيْكُمْ فَكُنْتُمْ عَلَىٰ أَعْقَابِكُمْ تَنْكِصُونَ
- Ҡаршығыҙҙа аяттарыбыҙҙы уҡыған саҡта, һеҙ танауығыҙҙы сөйөп, арҡа ҡуйып китә инегеҙ.
23:66 -
مُسْتَكْبِرِينَ بِهِ سَامِرًا تَهْجُرُونَ
Йыйылышып, кистәр буйы (Ҡөръәнде) мыҫҡыл юҡты һөйләй инегеҙ.
23:67 -
أَفَلَمْ يَدَّبَّرُوا الْقَوْلَ أَمْ جَاءَهُمْ مَا لَمْ يَأْتِ آبَاءَهُمُ الْأَوَّلِينَ
Хаҡ һүҙ (Ҡөръән) тураһында яҡшылап уйлап ҡараманылар. Әллә һуң уларҙың ата-бабаларына килмәгән берәй нимә (китап, йәки пәйғәмбәр, йәки Аллаһтың ғазабынан ҡотолоу) ингәнме?
23:68 -
أَمْ لَمْ يَعْرِفُوا رَسُولَهُمْ فَهُمْ لَهُ مُنْكِرُونَ
Йәки үҙ пәйғәмбәрҙәрен башта уҡ белмәйҙәр инеме ни? (Беләләр ине.) Шулай ҙа уны (Аллаһтың илсеһе икәнен) инҡар иттеләр.
23:69 -
أَمْ يَقُولُونَ بِهِ جِنَّةٌ ۚ بَلْ جَاءَهُمْ بِالْحَقِّ وَأَكْثَرُهُمْ لِلْحَقِّ كَارِهُونَ
Улар Рәсүлемде: гәрсә ул Хәҡиҡәтте (Ҡөръәнде) килтерһә лә: ул енләнгән, тинеләр. Ләкин ул Хәҡиҡәт күбеһенең күңеленә хуш килмәне.
23:70 -
وَلَوِ اتَّبَعَ الْحَقُّ أَهْوَاءَهُمْ لَفَسَدَتِ السَّمَاوَاتُ وَالْأَرْضُ وَمَنْ فِيهِنَّ ۚ بَلْ أَتَيْنَاهُمْ بِذِكْرِهِمْ فَهُمْ عَنْ ذِكْرِهِمْ مُعْرِضُونَ
Әгәр ҙә Хәҡиҡәт уларҙың күңеленә хуш килә торған булһа, күктәр, Ер һәм шундағы кешеләр, һис шикһеҙ, ғарасатҡа дусар булыр ине. Беҙ уларға (Ҡөръән сифатында) бары тик шан-шәрәфтәр (иҫкә төшөрөү) килтерҙек, ләкин улар шунан ваз кисте.
23:71 -
أَمْ تَسْأَلُهُمْ خَرْجًا فَخَرَاجُ رَبِّكَ خَيْرٌ ۖ وَهُوَ خَيْرُ الرَّازِقِينَ
(Эй, Мөхәммәд) әллә һин уларҙан берәй бүләк өмөт итәһеңме? Раббың бирәсәк бүләк унан да хәйерлерәк буласаҡ. Раббың бүләкләүселәрҙең иң йомарты.
23:72 -
وَإِنَّكَ لَتَدْعُوهُمْ إِلَىٰ صِرَاطٍ مُسْتَقِيمٍ
Хаҡтыр, һин уларҙы тура юлға саҡыраһың.
23:73 -
وَإِنَّ الَّذِينَ لَا يُؤْمِنُونَ بِالْآخِرَةِ عَنِ الصِّرَاطِ لَنَاكِبُونَ
Әхирәт көнөнең киләсәгенә инанмағандар тура юлдан яҙғандар булыр.
23:74 -
وَلَوْ رَحِمْنَاهُمْ وَكَشَفْنَا مَا بِهِمْ مِنْ ضُرٍّ لَلَجُّوا فِي طُغْيَانِهِمْ يَعْمَهُونَ
Уларҙы ҡыҙғанып, өҫтәренә килгән бәләләрҙе алһаҡ, улар күҙҙәре күрмәҫ дәрәжәгә етеп, барыбер элеккеге аҙғынлыҡтарын дауам иткән булырҙар ине.
23:75 -
وَلَقَدْ أَخَذْنَاهُمْ بِالْعَذَابِ فَمَا اسْتَكَانُوا لِرَبِّهِمْ وَمَا يَتَضَرَّعُونَ
Хаҡтыр, Беҙ уларҙы (аслыҡ менән) язаланыҡ, шунан һуң да улар Раббыға буйһонманы, (ярлыҡау һорап) Уға ялбарманылар.
23:76 -
حَتَّىٰ إِذَا فَتَحْنَا عَلَيْهِمْ بَابًا ذَا عَذَابٍ شَدِيدٍ إِذَا هُمْ فِيهِ مُبْلِسُونَ
Язалар менән тулы һәм дәһшәтле бер ҡапҡаны асҡандан һуң, уларҙың нисек шашып, өмөтһөҙлөккә төшкәндәрен күрһәң ине.
23:77 -
وَهُوَ الَّذِي أَنْشَأَ لَكُمُ السَّمْعَ وَالْأَبْصَارَ وَالْأَفْئِدَةَ ۚ قَلِيلًا مَا تَشْكُرُونَ
Аллаһ һеҙгә ҡолаҡтар, күҙҙәр, күңел тойғолары бирҙе. Ләкин, ни өсөндер, һеҙ әҙ шөкөр итәһегеҙ.
23:78 -
وَهُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ
Һеҙҙе яралтҡан да, Ер өҫтөнә таратҡан да - Аллаһ. Һуңынан Уның хозурында тупланасаҡһығыҙ.
23:79 -
وَهُوَ الَّذِي يُحْيِي وَيُمِيتُ وَلَهُ اخْتِلَافُ اللَّيْلِ وَالنَّهَارِ ۚ أَفَلَا تَعْقِلُونَ
Йән өргән дә - Ул, йән алған да - Ул. Төн менән көндө алмаштырыу эше лә Уның хөкөмөндә. Шуны аңлар өсөн (аңлағас, иман килтерер өсөн әле һаман) аҡылығыҙға алмайһығыҙмы ни?
23:80
Перевод: Башкирский перевод