Мүсхәф, бит 555

1. وَإِذَا قِيلَ لَهُمْ تَعَالَوْا يَسْتَغْفِرْ لَكُمْ رَسُولُ اللَّهِ لَوَّوْا رُءُوسَهُمْ وَرَأَيْتَهُمْ يَصُدُّونَ وَهُمْ مُسْتَكْبِرُونَ

   - Килегеҙ, Аллаһтың Пәйғәмбәре һеҙҙең өсөн ярлы­ҡау теләһен, - тип әйткәс, улар йөҙҙәрен сөйөрөп китә. Һин улар­ҙың йыраҡлаша барған тәкәббер ҡиәфәттәрен күреп ҡалыр­һың.

   63:5

2. سَوَاءٌ عَلَيْهِمْ أَسْتَغْفَرْتَ لَهُمْ أَمْ لَمْ تَسْتَغْفِرْ لَهُمْ لَنْ يَغْفِرَ اللَّهُ لَهُمْ ۚ إِنَّ اللَّهَ لَا يَهْدِي الْقَوْمَ الْفَاسِقِينَ

   Ярлыҡау һораһаң да, һорамаһаң да уларға барыбер. Аллаһ уларҙы бер нисек тә ярлыҡамаясаҡ. Юлдан яҙғандар­ҙы Аллаһ тура юлға күндермәҫ.

   63:6

3. هُمُ الَّذِينَ يَقُولُونَ لَا تُنْفِقُوا عَلَىٰ مَنْ عِنْدَ رَسُولِ اللَّهِ حَتَّىٰ يَنْفَضُّوا ۗ وَلِلَّهِ خَزَائِنُ السَّمَاوَاتِ وَالْأَرْضِ وَلَٰكِنَّ الْمُنَافِقِينَ لَا يَفْقَهُونَ

   Улар:- Аллаһ илсеһе янында булғандарға бер ниндәй ҙә сы­ғым түкмәгеҙ (хәйер, саҙаҡа бирмәгеҙ, ярҙам итмәгеҙ), ҡаҙа­лып китһендәр, - ти. Күктәрҙең һәм Ерҙең хазиналары - Аллаһтыҡы. Ләкин монафиҡтар быны белмәй.

   63:7

4. يَقُولُونَ لَئِنْ رَجَعْنَا إِلَى الْمَدِينَةِ لَيُخْرِجَنَّ الْأَعَزُّ مِنْهَا الْأَذَلَّ ۚ وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَٰكِنَّ الْمُنَافِقِينَ لَا يَعْلَمُونَ

   Улар:- Хаҡтыр, әгәр Мәҙинәгә ҡайтһаҡ, өҫтөн булғандар, бай кәферҙәр меҫкен хәлдәгеләрҙе (фәҡир мөьминдәрҙе), һис шикһеҙ, ҡыуып сығарасаҡтар, - тип әйтәләр.Гәрсә, ысын өҫтөнлөк бары тик Аллаһта, Пәйғәмбәрендә, мөьминдәрҙә булыр Ләкин монафиҡтар быны белмәй.

   63:8

5. يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ ۚ وَمَنْ يَفْعَلْ ذَٰلِكَ فَأُولَٰئِكَ هُمُ الْخَاسِرُونَ

   Әй, иман килтергән халыҡ, малдарығыҙ (байлығығыҙ), балаларығыҙ Аллаһты онотмаһын. Кем Аллаһтың исемен онота, шул зыян-зәхмәт күрер.

   63:9

6. وَأَنْفِقُوا مِنْ مَا رَزَقْنَاكُمْ مِنْ قَبْلِ أَنْ يَأْتِيَ أَحَدَكُمُ الْمَوْتُ فَيَقُولَ رَبِّ لَوْلَا أَخَّرْتَنِي إِلَىٰ أَجَلٍ قَرِيبٍ فَأَصَّدَّقَ وَأَكُنْ مِنَ الصَّالِحِينَ

   Әжәле килгән кеше:- Раббым, миңә ҡыҫҡа ғына ваҡытҡа булһа ла ғүмер бир. Валлаһи, мин саҙаҡа бирер инем, изгелектәр ҡылыр инем, - тип әйткәндән күпкә әүәл Беҙ биргән ризыҡтарығыҙҙан саҙаҡа бирергә кәрәк ине.

   63:10

7. وَلَنْ يُؤَخِّرَ اللَّهُ نَفْسًا إِذَا جَاءَ أَجَلُهَا ۚ وَاللَّهُ خَبِيرٌ بِمَا تَعْمَلُونَ

   Аллаһ әжәле килгән бер генә кешенең дә үлемен ки­сектермәҫ. Аллаһ нимә ҡылғанығыҙҙы белеп тора.

   63:11

Перевод: Башкирский перевод