Сүрә 42 Кәңәш

1. أَمْ لَهُمْ شُرَكَاءُ شَرَعُوا لَهُمْ مِنَ الدِّينِ مَا لَمْ يَأْذَنْ بِهِ اللَّهُ ۚ وَلَوْلَا كَلِمَةُ الْفَصْلِ لَقُضِيَ بَيْنَهُمْ ۗ وَإِنَّ الظَّالِمِينَ لَهُمْ عَذَابٌ أَلِيمٌ

   Әллә һуң уларҙың Аллаһ рөхсәтенән башҡа бер дин алып килгән Илаһтары бармы икән? Әгәр ҙә кисектереү һүҙе булмаһа ине, уларҙың яҙмышы шунда уҡ хәл ителгән булыр ине. Һис шикһеҙ, залимдарға йән өтөүсе ғазап биреләсәк.

   42:21

2. تَرَى الظَّالِمِينَ مُشْفِقِينَ مِمَّا كَسَبُوا وَهُوَ وَاقِعٌ بِهِمْ ۗ وَالَّذِينَ آمَنُوا وَعَمِلُوا الصَّالِحَاتِ فِي رَوْضَاتِ الْجَنَّاتِ ۖ لَهُمْ مَا يَشَاءُونَ عِنْدَ رَبِّهِمْ ۚ ذَٰلِكَ هُوَ الْفَضْلُ الْكَبِيرُ

   Ҡылған яманлыҡтары үҙ баштарына төшкәс, залимдарҙың ҡурҡыуҙан нисек ҡалтыранғандарын күрерһең. Иман килтереп, изгелек ҡылғандар йәннәт баҡсаһында булыр. Раббы янында улар теләгән бөтөн нәмә буласаҡ. Бөйөк бәхет бына шул булыр.

   42:22

3. ذَٰلِكَ الَّذِي يُبَشِّرُ اللَّهُ عِبَادَهُ الَّذِينَ آمَنُوا وَعَمِلُوا الصَّالِحَاتِ ۗ قُلْ لَا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَىٰ ۗ وَمَنْ يَقْتَرِفْ حَسَنَةً نَزِدْ لَهُ فِيهَا حُسْنًا ۚ إِنَّ اللَّهَ غَفُورٌ شَكُورٌ

   Аллаһҡа иман килтереп, изгелек ҡылған бәндәләренә вәғәҙә иткән ниғмәте ошо булыр.Әйт һин (эй, Мөхәммәд):- Мин был эштәрем өсөн һеҙҙән ҡәрҙәшлек мөхәббәтенән башҡа һис бер түләү талап итмәйем. Изгелек ҡылған кеше артығы менән сауаплы булыр, - тип. Шик юҡтыр, Аллаһ - ярлыҡаусы, шөкөр иткәндәргә сауап биреүселер.

   42:23

4. أَمْ يَقُولُونَ افْتَرَىٰ عَلَى اللَّهِ كَذِبًا ۖ فَإِنْ يَشَإِ اللَّهُ يَخْتِمْ عَلَىٰ قَلْبِكَ ۗ وَيَمْحُ اللَّهُ الْبَاطِلَ وَيُحِقُّ الْحَقَّ بِكَلِمَاتِهِ ۚ إِنَّهُ عَلِيمٌ بِذَاتِ الصُّدُورِ

   Әллә һуң улар:- (Мөхәммәд) Аллаһ тураһында ялған һөйләй, - тинеләрме? Аллаһ ихтыяр итһә, һинең күңелеңде лә йоҙаҡлап ҡуя ала. Һәм Аллаһ яманлыҡты юҡ итер. Хәҡиҡәтте уртаға һа­лыр. Шик юҡтыр, кеше күңелендә нимә бар, Аллаһ шуны белеп тора.

   42:24

5. وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ

   Бәндәләренең тәүбәһен ҡабул итеүсе, (тура юлға баҫҡандарҙың элекке) хаталарын ярлыҡаусы һәм ҡылмыштарын белеп тороусы - Аллаһ.

   42:25

6. وَيَسْتَجِيبُ الَّذِينَ آمَنُوا وَعَمِلُوا الصَّالِحَاتِ وَيَزِيدُهُمْ مِنْ فَضْلِهِ ۚ وَالْكَافِرُونَ لَهُمْ عَذَابٌ شَدِيدٌ

   Иман килтереп, изгелек ҡылғандарҙың тәүбәһен ҡабул итер, мул ниғмәт бирер. Кәферҙәрҙе хәтәр ғазапҡа тар­тыр.

   42:26

7. وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الْأَرْضِ وَلَٰكِنْ يُنَزِّلُ بِقَدَرٍ مَا يَشَاءُ ۚ إِنَّهُ بِعِبَادِهِ خَبِيرٌ بَصِيرٌ

   Әгәр ҙә Аллаһ һәр кемгә муллыҡ бирһә, Ер йөҙөндә боҙоҡлоҡ артыр ине. Шуға күрә, Ул ризыҡты теләгәне ҡәҙәр генә индерә. Аллаһ бәндәләренең ҡылмыштарынан хәбәрҙар, уларҙы күреп тора.

   42:27

8. وَهُوَ الَّذِي يُنَزِّلُ الْغَيْثَ مِنْ بَعْدِ مَا قَنَطُوا وَيَنْشُرُ رَحْمَتَهُ ۚ وَهُوَ الْوَلِيُّ الْحَمِيدُ

   Өмөттәре өҙөлгән саҡтарҙа (аслыҡ йылдарҙа) Аллаһ ямғыр яуҙыра, рәхмәтен һәр тарафҡа тарата. Ул - маҡтауға лайыҡ ысын яҡлаусы.

   42:28

9. وَمِنْ آيَاتِهِ خَلْقُ السَّمَاوَاتِ وَالْأَرْضِ وَمَا بَثَّ فِيهِمَا مِنْ دَابَّةٍ ۚ وَهُوَ عَلَىٰ جَمْعِهِمْ إِذَا يَشَاءُ قَدِيرٌ

   Күктәрҙе, Ерҙе яралтыуы ла, Күктәге, Ерҙәге бөтөн йән эйәһен барлыҡҡа килтереүе лә Уның (барлығына, ҡөҙ­рәтенә) дәлил булып тора. Аллаһ үҙе теләгән ваҡытта (Ҡиәмәттә) быларҙың барыһын да бер урынға тупларға ла ҡөҙ­рәтле.

   42:29

10. وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ وَيَعْفُو عَنْ كَثِيرٍ

    Башығыҙға төшкән һәр бәлә үҙегеҙ ҡаҙанған урынына. Шуға ла ҡарамаҫтан, (тәүбәгә килгәндәрҙең) күбеһен (Аллаһ) ярлыҡаясаҡ.

    42:30

11. وَمَا أَنْتُمْ بِمُعْجِزِينَ فِي الْأَرْضِ ۖ وَمَا لَكُمْ مِنْ دُونِ اللَّهِ مِنْ وَلِيٍّ وَلَا نَصِيرٍ

    Һеҙ Аллаһты меҫкен хәлдә ҡалдыра алмаҫһығыҙ. Аллаһтан башҡа бер яҡлаусығыҙ ҙа бер ярҙамсығыҙ ҙа юҡ.

    42:31

12. وَمِنْ آيَاتِهِ الْجَوَارِ فِي الْبَحْرِ كَالْأَعْلَامِ

    Тау кеүек кәмәләрҙең диңгеҙҙәрҙә йөҙөп йөрөүе лә Аллаһтың (барлығына, ҡөҙрәтенә) дәлиле.

    42:32

13. إِنْ يَشَأْ يُسْكِنِ الرِّيحَ فَيَظْلَلْنَ رَوَاكِدَ عَلَىٰ ظَهْرِهِ ۚ إِنَّ فِي ذَٰلِكَ لَآيَاتٍ لِكُلِّ صَبَّارٍ شَكُورٍ

    Ихтыяр итһә, Аллаһ елде иҫеүенән туҡтатып то­рор ҙа, диңгеҙ өҫтөндәге кәмәләр хәрәкәттән туҡтап ҡа­лыр ине. Әлбиттә, бында ныҡ түҙем-сабыр кешеләргә һәм сикһеҙ шөкөр итеүселәргә ғибрәттәр бар.

    42:33

14. أَوْ يُوبِقْهُنَّ بِمَا كَسَبُوا وَيَعْفُ عَنْ كَثِيرٍ

    Ҡылған гөнаһтары өсөн уларҙы (диңгеҙгә батырып) һәләк итер. Ләкин байтаҡтарын(ың тәүбәһен ҡабул ҡылып) ғәфү итер.

    42:34

15. وَيَعْلَمَ الَّذِينَ يُجَادِلُونَ فِي آيَاتِنَا مَا لَهُمْ مِنْ مَحِيصٍ

    Шулай булғас, аяттарыбыҙ хаҡында ғауға ҡуптарған­дар ҡасып ҡотолор урын таба алмаҫтарын белеп торһон­дар.

    42:35

16. فَمَا أُوتِيتُمْ مِنْ شَيْءٍ فَمَتَاعُ الْحَيَاةِ الدُّنْيَا ۖ وَمَا عِنْدَ اللَّهِ خَيْرٌ وَأَبْقَىٰ لِلَّذِينَ آمَنُوا وَعَلَىٰ رَبِّهِمْ يَتَوَكَّلُونَ

    Һеҙгә бирелгән (байлыҡ, ләззәт, дәрәжә) бары тик ошо донъя өсөн (ваҡытлыса ғына). Аллаһ хозурындағылар иһә тағын да яҡшы, тағын да дауамлы. Был бүләктәр иман килтергәндәр һәм Раббыға һыйынғандар өсөн генә.

    42:36

17. وَالَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ وَإِذَا مَا غَضِبُوا هُمْ يَغْفِرُونَ

    Улар (мосолмандар) иң ҙур гөнаһтарҙан берһе булған - оят­һыҙлыҡтан йыраҡ йөрөй. Асыуҙары сыҡҡан сағында ла, ҡыҙмаҫтар, кешене ғәфү итерҙәр.

    42:37

18. وَالَّذِينَ اسْتَجَابُوا لِرَبِّهِمْ وَأَقَامُوا الصَّلَاةَ وَأَمْرُهُمْ شُورَىٰ بَيْنَهُمْ وَمِمَّا رَزَقْنَاهُمْ يُنْفِقُونَ

    Йәнә улар Раббының саҡырыуына эйәреп намаҙ уҡый­ҙар. Уларҙың эштәре үҙ-ара кәңәш-табыш менән бара. Үҙҙәренә индерелгән ризыҡтан улар (Аллаһ юлындағыларға һәм мохтаж­дарға) хәйер бирә.

    42:38

19. وَالَّذِينَ إِذَا أَصَابَهُمُ الْبَغْيُ هُمْ يَنْتَصِرُونَ

    Уларҙың берәйһенә хаҡһыҙлыҡ ҡылынһа, бергәләп ярҙамлашалар.

    42:39

20. وَجَزَاءُ سَيِّئَةٍ سَيِّئَةٌ مِثْلُهَا ۖ فَمَنْ عَفَا وَأَصْلَحَ فَأَجْرُهُ عَلَى اللَّهِ ۚ إِنَّهُ لَا يُحِبُّ الظَّالِمِينَ

    Яманлыҡ өсөн яза шул ҡылынған яманлыҡ ҡәҙәр булырға тейеш. Кем ғәфү итһә, тыныслыҡ һаҡлаһа, (боҙолошҡандарҙы татыуландырһа) уға бүләк Аллаһ тарафынан булыр. Дөрөҫө шул, Аллаһ залимдарҙы яратмай.

    42:40

Перевод: Башкирский перевод