Сүрә 22 Хаж

1. ذَٰلِكَ بِأَنَّ اللَّهَ يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ وَأَنَّ اللَّهَ سَمِيعٌ بَصِيرٌ

   Быныһы ла шулай булыр. Аллаһ - төндө көнгә, көндө төнгә алыштырыусы. Аллаһ һәр нәмәнең асылын ишетә, асылын күрә.

   22:61

2. ذَٰلِكَ بِأَنَّ اللَّهَ هُوَ الْحَقُّ وَأَنَّ مَا يَدْعُونَ مِنْ دُونِهِ هُوَ الْبَاطِلُ وَأَنَّ اللَّهَ هُوَ الْعَلِيُّ الْكَبِيرُ

   Нәҡ шулай. Аллаһ - Хәҡиҡәттең үҙе. Унан башҡа Илаһ тип табына торған нәмәләр - ялғандың үҙе. Хәҡиҡәт - Аллаһ. Әлбиттә, Ул - бөйөк.

   22:62

3. أَلَمْ تَرَ أَنَّ اللَّهَ أَنْزَلَ مِنَ السَّمَاءِ مَاءً فَتُصْبِحُ الْأَرْضُ مُخْضَرَّةً ۗ إِنَّ اللَّهَ لَطِيفٌ خَبِيرٌ

   Күрмәйһеңме ни, Аллаһ Күктән ямғыр яуҙыра. Ер өҫтө йәшеллек менән ҡаплана. Ысындан да, Аллаһ мәрхәмәтле, Ул бөтөн нимәнән хәбәрҙар.

   22:63

4. لَهُ مَا فِي السَّمَاوَاتِ وَمَا فِي الْأَرْضِ ۗ وَإِنَّ اللَّهَ لَهُوَ الْغَنِيُّ الْحَمِيدُ

   Күктәрҙәге, Ерҙәге бөтөн нимә лә Уныҡы. Ысынлап та, Аллаһ бер яңғыҙы. Ул (һис кемгә, һис нимәгә мохтаж түгел) ғайәт бай, маҡтауға лайыҡ.

   22:64

5. أَلَمْ تَرَ أَنَّ اللَّهَ سَخَّرَ لَكُمْ مَا فِي الْأَرْضِ وَالْفُلْكَ تَجْرِي فِي الْبَحْرِ بِأَمْرِهِ وَيُمْسِكُ السَّمَاءَ أَنْ تَقَعَ عَلَى الْأَرْضِ إِلَّا بِإِذْنِهِ ۗ إِنَّ اللَّهَ بِالنَّاسِ لَرَءُوفٌ رَحِيمٌ

   Күрмәйһеңме ни, Аллаһ Ерҙәге нимәләрҙе һәм әмере буйынса диңгеҙҙә йөҙөүсе кәмәләрҙе һеҙҙең файҙаға яралтты. Күкте лә Ергә инеүҙән Ул тотоп тора. Уның рөхсәтенән башҡа Күк Ергә иңмәҫ. Аллаһ кешеләргә бик тә шәфҡәтле һәм миһырбанлы.

   22:65

6. وَهُوَ الَّذِي أَحْيَاكُمْ ثُمَّ يُمِيتُكُمْ ثُمَّ يُحْيِيكُمْ ۗ إِنَّ الْإِنْسَانَ لَكَفُورٌ

   Һеҙгә тормош (йән) биргән, һуңынан һеҙҙе йәнһеҙ итеүсе, унан һуң тағын терелтеүсе Ул. Дөрөҫө шул, әҙәм заты бик тә шөкөрһөҙ холоҡло бит.

   22:66

7. لِكُلِّ أُمَّةٍ جَعَلْنَا مَنْسَكًا هُمْ نَاسِكُوهُ ۖ فَلَا يُنَازِعُنَّكَ فِي الْأَمْرِ ۚ وَادْعُ إِلَىٰ رَبِّكَ ۖ إِنَّكَ لَعَلَىٰ هُدًى مُسْتَقِيمٍ

   Беҙ һәр өммәткә, үҙҙәре ҡулай ҡылғанса ғибәҙәт тәртипләнек. Шулай булғас, улар (Китап әһелдәре) был мәсьәләлә һинең менән бәхәсләшмәһен­дәр. Һин уларҙы Раббың тарафына саҡыр. Сөнки һин, ысындан да, тура юлдағы кеше.

   22:67

8. وَإِنْ جَادَلُوكَ فَقُلِ اللَّهُ أَعْلَمُ بِمَا تَعْمَلُونَ

   Һинең менән тартҡылашып торһалар, әйт:- Һеҙҙең нимә ҡылғанығыҙҙы Аллаһ яҡшы белеп тора, - тип.

   22:68

9. اللَّهُ يَحْكُمُ بَيْنَكُمْ يَوْمَ الْقِيَامَةِ فِيمَا كُنْتُمْ فِيهِ تَخْتَلِفُونَ

   Арағыҙҙағы ғауғалар сәбәпсеһе булған нәмәләр­ҙе Аллаһ Ҡиәмәт көнөндә асыҡлап бирер.

   22:69

10. أَلَمْ تَعْلَمْ أَنَّ اللَّهَ يَعْلَمُ مَا فِي السَّمَاءِ وَالْأَرْضِ ۗ إِنَّ ذَٰلِكَ فِي كِتَابٍ ۚ إِنَّ ذَٰلِكَ عَلَى اللَّهِ يَسِيرٌ

    - Шуны ла белмәйһегеҙме ни, Аллаһ Ерҙә, Күктә нимә булһа - барыһын да белеп тора. Быларҙың барыһы ла Китапҡа (Ләүхел Мәхфүзгә) яҙып ҡуйылған. Быларҙы белеү Аллаһҡа бик тә еңел.

    22:70

11. وَيَعْبُدُونَ مِنْ دُونِ اللَّهِ مَا لَمْ يُنَزِّلْ بِهِ سُلْطَانًا وَمَا لَيْسَ لَهُمْ بِهِ عِلْمٌ ۗ وَمَا لِلظَّالِمِينَ مِنْ نَصِيرٍ

    Улар Аллаһты инҡар итеп, тәңрелеккә һис бер дәлил килтерә алмаған, үҙҙәре белмәгән нәмәләргә йәбешеп-табынып яталар. Залимдарҙың һис бер ярҙамсыһы булмаҫ.

    22:71

12. وَإِذَا تُتْلَىٰ عَلَيْهِمْ آيَاتُنَا بَيِّنَاتٍ تَعْرِفُ فِي وُجُوهِ الَّذِينَ كَفَرُوا الْمُنْكَرَ ۖ يَكَادُونَ يَسْطُونَ بِالَّذِينَ يَتْلُونَ عَلَيْهِمْ آيَاتِنَا ۗ قُلْ أَفَأُنَبِّئُكُمْ بِشَرٍّ مِنْ ذَٰلِكُمُ ۗ النَّارُ وَعَدَهَا اللَّهُ الَّذِينَ كَفَرُوا ۖ وَبِئْسَ الْمَصِيرُ

    Ап-асыҡ итеп аяттарыбыҙҙы уҡығанда тыңлап ултырыусы кәферҙәрҙең сырайҙарына ҡара, ризаһыҙлыҡ күрерһең. Улар аят уҡыусыларҙы ботарлап ташларҙай булып ултыра. Әйт һин:- Бынан да хәтәрерәге тураһында һеҙгә ирештерәйемме? Йәһәннәм! Аллаһ уны (һеҙҙең кеүек) кәферҙәргә вәғәҙә итте. Ҡот осҡос бер урын ул - йәһәннәм, - тип.

    22:72

13. يَا أَيُّهَا النَّاسُ ضُرِبَ مَثَلٌ فَاسْتَمِعُوا لَهُ ۚ إِنَّ الَّذِينَ تَدْعُونَ مِنْ دُونِ اللَّهِ لَنْ يَخْلُقُوا ذُبَابًا وَلَوِ اجْتَمَعُوا لَهُ ۖ وَإِنْ يَسْلُبْهُمُ الذُّبَابُ شَيْئًا لَا يَسْتَنْقِذُوهُ مِنْهُ ۚ ضَعُفَ الطَّالِبُ وَالْمَطْلُوبُ

    Әй, кешеләр, бер миҫал бирелде. Хәҙер шуны тың­лағыҙ. Аллаһты инҡар итеп, табына торғандарығыҙ бергә йыйылышып тырышһа ла, хатта бер себен дә яралта алмаған булырҙар ине. Әгәр ҙә себен уларҙың берәй нимәһен тартып алып китһә, улар уны кире ҡайтарып ала алмаҫтар ине. (Шундай мәғәнәһеҙ нимәләргә) табынғандар ҙа меҫкен, шул табынған нимәләре лә меҫкен.

    22:73

14. مَا قَدَرُوا اللَّهَ حَقَّ قَدْرِهِ ۗ إِنَّ اللَّهَ لَقَوِيٌّ عَزِيزٌ

    Улар Аллаһтың ҡөҙрәтен белеп бөтөрмәйҙәр, һис шөбһәһеҙ, Аллаһ сикһеҙ ҡөҙрәтле, барыһын­нн да өҫтөн.

    22:74

15. اللَّهُ يَصْطَفِي مِنَ الْمَلَائِكَةِ رُسُلًا وَمِنَ النَّاسِ ۚ إِنَّ اللَّهَ سَمِيعٌ بَصِيرٌ

    Аллаһ фәрештәләрҙе лә, кешеләрҙе лә илсе итеп ебәрә. Шик юҡ, Аллаһ барыһын да ишетеп, күреп тора.

    22:75

16. يَعْلَمُ مَا بَيْنَ أَيْدِيهِمْ وَمَا خَلْفَهُمْ ۗ وَإِلَى اللَّهِ تُرْجَعُ الْأُمُورُ

    Уларҙың алда нимә күрәсәген дә, уҙғанда нимә күргәндәрен дә Аллаһ белеп тора. Барса ғәмәлдәр ҙә Аллаһҡа ҡайтары­ласаҡ.

    22:76

17. يَا أَيُّهَا الَّذِينَ آمَنُوا ارْكَعُوا وَاسْجُدُوا وَاعْبُدُوا رَبَّكُمْ وَافْعَلُوا الْخَيْرَ لَعَلَّكُمْ تُفْلِحُونَ ۩

    Әй, иман килтергән кешеләр, рәкүғҡа китегеҙ, сәждәгә йығылығыҙ, Раббыға ғибәҙәт ҡылығыҙ, изгелек ҡыл­һағыҙ -ҡотолорһығыҙ.

    22:77

18. وَجَاهِدُوا فِي اللَّهِ حَقَّ جِهَادِهِ ۚ هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ ۚ مِلَّةَ أَبِيكُمْ إِبْرَاهِيمَ ۚ هُوَ سَمَّاكُمُ الْمُسْلِمِينَ مِنْ قَبْلُ وَفِي هَٰذَا لِيَكُونَ الرَّسُولُ شَهِيدًا عَلَيْكُمْ وَتَكُونُوا شُهَدَاءَ عَلَى النَّاسِ ۚ فَأَقِيمُوا الصَّلَاةَ وَآتُوا الزَّكَاةَ وَاعْتَصِمُوا بِاللَّهِ هُوَ مَوْلَاكُمْ ۖ فَنِعْمَ الْمَوْلَىٰ وَنِعْمَ النَّصِيرُ

    Аллаһ юлында Ул ҡәнәғәт ҡалыр­лыҡ Жиһад ҡылығыҙ. Ул һеҙҙе һайланы, дин юлында һеҙҙең өҫкә Ул бер ниндәй ҙә ауырлыҡ йөкләмәне. Атайығыҙ Ибра­һим тотҡан диндә лә шулай ине. Пәйғәмбәрҙәр һеҙҙең эштәргә шаһит булһын, һеҙ ҙә кешеләргә шаһит булырһығыҙ тип, алда индерелгән китаптарҙа ла, быныһында (Ҡөръәндә лә) һеҙгә мосолман исеме бирелде. Шулай булғас, намаҙ уҡы­ғыҙ, зәкәт бирегеҙ, Аллаһҡа һыйынығыҙ. Ул һеҙҙең Раббығыҙҙыр. Ниндәй яҡшы Раббы, ниндәй изгелекле ярҙамсы ул - Аллаһ Тәғәлә!

    22:78

Перевод: Башкирский перевод