Сүрә 40 Ғәфү итеүсе

1. وَيَا قَوْمِ مَا لِي أَدْعُوكُمْ إِلَى النَّجَاةِ وَتَدْعُونَنِي إِلَى النَّارِ

   Әй, халҡым! Был ниндәй хәле­геҙ? Мин һеҙҙе нәжәткә (ҡотолошҡа) саҡырам, һеҙ мине утҡа (йәһәннәмгә) ҡыҫтайһығыҙ (саҡыраһығыҙ).

   40:41

2. تَدْعُونَنِي لِأَكْفُرَ بِاللَّهِ وَأُشْرِكَ بِهِ مَا لَيْسَ لِي بِهِ عِلْمٌ وَأَنَا أَدْعُوكُمْ إِلَى الْعَزِيزِ الْغَفَّارِ

   Һеҙ мине Аллаһты танымаҫҡа өгөтләйһегеҙ. Мин белмәгән, мин табынырға теләмәгән нәмәләрегеҙҙе Уға тиңләштерәһегеҙ. Мин иһә һеҙҙе ҡөҙрәте менән барсаһын еңеүсе һәм сикһеҙ мәрхәмәтле Аллаһтың тура юлына саҡырам.

   40:42

3. لَا جَرَمَ أَنَّمَا تَدْعُونَنِي إِلَيْهِ لَيْسَ لَهُ دَعْوَةٌ فِي الدُّنْيَا وَلَا فِي الْآخِرَةِ وَأَنَّ مَرَدَّنَا إِلَى اللَّهِ وَأَنَّ الْمُسْرِفِينَ هُمْ أَصْحَابُ النَّارِ

   Хәҡиҡәт шулдыр, һеҙ мине табынырға саҡырған нәмәгеҙ фани донъяла ла, Әхирәттә лә иғтибарға лайыҡ түгел. Әлбиттә, Аллаһ хозуры­на ҡайтасаҡбыҙ. Хаттин ашҡандар йәһәннәмдең үҙ кешеләрелер.

   40:43

4. فَسَتَذْكُرُونَ مَا أَقُولُ لَكُمْ ۚ وَأُفَوِّضُ أَمْرِي إِلَى اللَّهِ ۚ إِنَّ اللَّهَ بَصِيرٌ بِالْعِبَادِ

   Һеҙгә һөйләгән был киҫәтеүҙәремде һеҙ оҙаҡламай иҫегеҙгә төшөрәсәкһегеҙ (язаһын күргәс, үкенәсәкһегеҙ). Мин иһә эштәремде Аллаһҡа бағышланым. Шик юҡтыр, Аллаһ бәндәләрен бик яҡшы белеп тора.

   40:44

5. فَوَقَاهُ اللَّهُ سَيِّئَاتِ مَا مَكَرُوا ۖ وَحَاقَ بِآلِ فِرْعَوْنَ سُوءُ الْعَذَابِ

   Ахырҙа Аллаһ Тәғәлә мөшриктәр ҡорған мәкерле тоҙаҡтан уны (иман килтергән был әҙәмде) ҡотҡарып ҡалды. Фирғәүен тоҡомон иһә хәтәр язаға тартты.

   40:45

6. النَّارُ يُعْرَضُونَ عَلَيْهَا غُدُوًّا وَعَشِيًّا ۖ وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذَابِ

   Улар иртә-кис утҡа ташланасаҡ. Ҡиәмәт ҡупҡан көндө:- Фирғәүен тоҡомона язаның иң хәтәрен бир, - тип әйтерҙәр.

   40:46

7. وَإِذْ يَتَحَاجُّونَ فِي النَّارِ فَيَقُولُ الضُّعَفَاءُ لِلَّذِينَ اسْتَكْبَرُوا إِنَّا كُنَّا لَكُمْ تَبَعًا فَهَلْ أَنْتُمْ مُغْنُونَ عَنَّا نَصِيبًا مِنَ النَّارِ

   Ут эсендә янғанда кәферҙәр үҙ-ара бәхәс ҡуп­тарыр. Фәҡир һәм хәлһеҙ булғандары тәкәбберҙәренә әйтер:- (Донъялыҡта) беҙ һеҙгә ышанып эйәрҙек. Хәҙер ут ғаза­бының исмаһам бер өлөшөн генә булһа ла беҙҙән үҙегеҙгә алығыҙ, зинһар, - тип ялбарырҙар.

   40:47

8. قَالَ الَّذِينَ اسْتَكْبَرُوا إِنَّا كُلٌّ فِيهَا إِنَّ اللَّهَ قَدْ حَكَمَ بَيْنَ الْعِبَادِ

   Донъяла саҡта әллә кем булып, күкрәк киреп йөрөүселәр әйтер:- Дөрөҫ, барыбыҙҙың да ошонда булырға тейешлегебеҙ раҫланды. Аллаһ бәндәләренә вәғәҙә иткәндәрҙең барыһын да бирҙе, - тип әйтерҙәр.

   40:48

9. وَقَالَ الَّذِينَ فِي النَّارِ لِخَزَنَةِ جَهَنَّمَ ادْعُوا رَبَّكُمْ يُخَفِّفْ عَنَّا يَوْمًا مِنَ الْعَذَابِ

   Ут эсендәгеләр йәһәннәм һаҡсы­ларына әйтер:- Беҙҙең өҫтән бер генә көнгә генә булһа ла был ғазаптар­ҙы алып торһон, тип Раббығыҙға ғибәҙәт ҡылығыҙ, зин­һар, - тип ялбарырҙар.

   40:49

10. قَالُوا أَوَلَمْ تَكُ تَأْتِيكُمْ رُسُلُكُمْ بِالْبَيِّنَاتِ ۖ قَالُوا بَلَىٰ ۚ قَالُوا فَادْعُوا ۗ وَمَا دُعَاءُ الْكَافِرِينَ إِلَّا فِي ضَلَالٍ

    Зобаниҙар әйтер:- Һеҙгә пәйғәмбәрҙәрегеҙ асыҡтан-асыҡ дәлилдәр килтер­ҙеме? - тип әйтерҙәр. Былары:- Әйе, килтерҙе, - тип әйтәсәк.- Шулай булғас, Аллаһҡа ялбарығыҙ, - тип әйтерҙәр. Гәрсә кәферҙәрҙең үкенеү-ялбарыуы файҙа бирмәҫ.

    40:50

11. إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ

    Шик-шөбһәһеҙ, пәйғәмбәрҙәребеҙгә һәм иман килтергәндәргә һәм донъя тормошонда һәм шаһиттарҙың шаһитлыҡ итәһе (Ҡиәмәт) Көнөндә ярҙам итербеҙ.

    40:51

12. يَوْمَ لَا يَنْفَعُ الظَّالِمِينَ مَعْذِرَتُهُمْ ۖ وَلَهُمُ اللَّعْنَةُ وَلَهُمْ سُوءُ الدَّارِ

    Ул Көндө залимдарҙың ярлыҡау теләп ялбарыуҙары һис бер файҙа бирмәҫ. Уларға ләғнәт! Хәтәр йорт та (йәһәннәм дә) уларҙыҡы булыр.

    40:52

13. وَلَقَدْ آتَيْنَا مُوسَى الْهُدَىٰ وَأَوْرَثْنَا بَنِي إِسْرَائِيلَ الْكِتَابَ

    Хаҡтыр, Беҙ Мусаға тура юл күрһәттек

    40:53

14. هُدًى وَذِكْرَىٰ لِأُولِي الْأَلْبَابِ

    һәм аҡылы башында булғандарға өгөт биреүсе һәм тура юл күрһәтеүсе Китап (Тәүрәт)ты Исраил тоҡомона мираҫ иттек.

    40:54

15. فَاصْبِرْ إِنَّ وَعْدَ اللَّهِ حَقٌّ وَاسْتَغْفِرْ لِذَنْبِكَ وَسَبِّحْ بِحَمْدِ رَبِّكَ بِالْعَشِيِّ وَالْإِبْكَارِ

    (Рәсүлем) хәҙергә һин инде (ауырлыҡтарға түҙ) сабыр ит. Сөнки Аллаһтың вәғәҙәһе, һис шикһеҙ, ғәмәлгә ашасаҡ. Гөнаһтарыңдың ярлыҡаныуын телә. Кис-иртә Раббыңды маҡ­тап, тәсбих тарт (намаҙ уҡы).

    40:55

16. إِنَّ الَّذِينَ يُجَادِلُونَ فِي آيَاتِ اللَّهِ بِغَيْرِ سُلْطَانٍ أَتَاهُمْ ۙ إِنْ فِي صُدُورِهِمْ إِلَّا كِبْرٌ مَا هُمْ بِبَالِغِيهِ ۚ فَاسْتَعِذْ بِاللَّهِ ۖ إِنَّهُ هُوَ السَّمِيعُ الْبَصِيرُ

    (Аллаһтың аяттарын ялғанға сығарырға) ҡулдарында асыҡ иҫбат булмаған көйөнсә, Аллаһ аяттары тураһында улар бәхәс ҡуптара. Шик юҡтыр, уларҙың күңелендә буй етмәҫ дәрәжәләге бөйөклөккә ынтылыу, маһайыу һәм тәкәббер­лектән башҡа һис нәмә юҡ. Һин Аллаһҡа һыйын. Шөбһә юҡ, Аллаһ - ишетеп, күреп тороусы.

    40:56

17. لَخَلْقُ السَّمَاوَاتِ وَالْأَرْضِ أَكْبَرُ مِنْ خَلْقِ النَّاسِ وَلَٰكِنَّ أَكْثَرَ النَّاسِ لَا يَعْلَمُونَ

    Әлбиттә, күктәрҙең һәм Ерҙең яралтылышы - кешеләрҙең барлыҡҡа килеүенән дә бөйөгөрәк ғәмәлдер. Ләкин кешеләрҙең күбеһе был турала белмәй.

    40:57

18. وَمَا يَسْتَوِي الْأَعْمَىٰ وَالْبَصِيرُ وَالَّذِينَ آمَنُوا وَعَمِلُوا الصَّالِحَاتِ وَلَا الْمُسِيءُ ۚ قَلِيلًا مَا تَتَذَكَّرُونَ

    Һуҡыр менән күҙле, иман килтереп, изгелек ҡылған кеше менән яманлыҡ ҡылыусылар бер булмаҫ. Аһ, һеҙ был турала уйлап та ҡарамайһығыҙ.

    40:58

19. إِنَّ السَّاعَةَ لَآتِيَةٌ لَا رَيْبَ فِيهَا وَلَٰكِنَّ أَكْثَرَ النَّاسِ لَا يُؤْمِنُونَ

    Һис шикһеҙ, Ҡиәмәт көнө киләсәк. Бында бер ниндәй ҙә шик-шөбһә булыуы мөмкин түгел. Ләкин кешеләрҙең күбеһе быға ышанмай.

    40:59

20. وَقَالَ رَبُّكُمُ ادْعُونِي أَسْتَجِبْ لَكُمْ ۚ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ

    Раббығыҙ шулай бойорҙо:- Миңә доға уҡығыҙ, ҡабул итәсәкмен. Сөнки Миңә ғибәҙәт ҡылыуҙы ташлап, тәкәбберлеккә йөҙ тотҡандар хур­лыҡҡа ҡалып, йәһәннәмгә дусар буласаҡ, - тине.

    40:60

Перевод: Башкирский перевод