Сүрә 37 Сафтар

1. إِنَّهُ مِنْ عِبَادِنَا الْمُؤْمِنِينَ

   Дөрөҫ, ул мөьмин бәндәләребеҙҙең береһе ине.

   37:81

2. ثُمَّ أَغْرَقْنَا الْآخَرِينَ

   Ахырҙа башҡаларҙы (иманға килмәгәндәрҙе) батырҙыҡ.

   37:82

3. وَإِنَّ مِنْ شِيعَتِهِ لَإِبْرَاهِيمَ

   Хаҡтыр, Ибраһим да уның (Нухтың) ҡәүеменән ине.

   37:83

4. إِذْ جَاءَ رَبَّهُ بِقَلْبٍ سَلِيمٍ

   Сөнки ул Раббыһына саф-пак күңел менән килде.

   37:84

5. إِذْ قَالَ لِأَبِيهِ وَقَوْمِهِ مَاذَا تَعْبُدُونَ

   Ул атаһына һәм халҡына әйтте:- Һеҙ нимәләргә табынаһығыҙ? - тине.

   37:85

6. أَئِفْكًا آلِهَةً دُونَ اللَّهِ تُرِيدُونَ

   - (Ха­лыҡты) алдар өсөн, һеҙ Аллаһты инҡар итеп, үҙегеҙ яһаған тәңреләрегеҙгә табынаһығыҙмы?

   37:86

7. فَمَا ظَنُّكُمْ بِرَبِّ الْعَالَمِينَ

   Ғәләмдәрҙең Раббыһы хаҡында һеҙ нимә уйлайһығыҙ?

   37:87

8. فَنَظَرَ نَظْرَةً فِي النُّجُومِ

   Шунан һуң ул йондоҙҙарға ҡараны.(«Ибраһимдың халҡы йондоҙҙарға ҡарап, күрәҙәселек ҡыла ине. Байрам ваҡыттарында улар үҙҙәре яһап, табына торған боттар­ға атап, ризыҡ ҡалдырып китәләр һәм шул яһалма Илаһтарынан бәрәкәт, ярлыҡау көтәләр ине. Һуңынан яңынан боттары янына ки­леп, ҡалдырған ризыҡтарын үҙҙәре үк ашап бөтөрәләр ине. Байрамға Ибраһимды ла саҡырҙылар». Хәсән Чантай тәфсиренән.)

   37:88

9. فَقَالَ إِنِّي سَقِيمٌ

   (Ибраһим) әйтте:- Мин, ысындан да, ауырып торам әле (байрамға сыға ал­майым), - тине.

   37:89

10. فَتَوَلَّوْا عَنْهُ مُدْبِرِينَ

    Тегеләре (уның ауырыуы беҙгә йоҡмаһын, тип) артҡа әйләнеп, (байрамға) китеп барҙылар.

    37:90

11. فَرَاغَ إِلَىٰ آلِهَتِهِمْ فَقَالَ أَلَا تَأْكُلُونَ

    Шунан һуң ул яһалма тәңреләр янына шым ғына килеп өндәште:- Әй, һеҙ! Ни өсөн үҙегеҙгә ҡуйылған ризыҡтарҙы ашамай­һығыҙ?

    37:91

12. مَا لَكُمْ لَا تَنْطِقُونَ

    Һеҙгә нимә булды, һеҙ ни өсөн һөйләшмәйһегеҙ? - тине.

    37:92

13. فَرَاغَ عَلَيْهِمْ ضَرْبًا بِالْيَمِينِ

    Ул уң ҡулы менән һындарға һуҡты (емерҙе).

    37:93

14. فَأَقْبَلُوا إِلَيْهِ يَزِفُّونَ

    Бар­са халыҡ йүгерешеп боттар янына килде.

    37:94

15. قَالَ أَتَعْبُدُونَ مَا تَنْحِتُونَ

    (Ибраһим) әйтте:- Үҙ ҡулдарығыҙ менән юнып яһаған нәмәләргә табына­һығыҙмы?

    37:95

16. وَاللَّهُ خَلَقَكُمْ وَمَا تَعْمَلُونَ

    Гәрсә, һеҙҙең үҙегеҙҙе лә ҡулдарығыҙ менән яһа­ған ул нәмәләрегеҙҙең барыһын да Аллаһ барлыҡҡа килтер­ҙе, - тине.

    37:96

17. قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ

    Әйттеләр:- Бер бина төҙөгөҙ ҙә, ут төртөп яндырығыҙ һәм (Ибра­һимды) ялҡынға ташлағыҙ, - тинеләр.

    37:97

18. فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ

    Шулай итеп, улар мәкерле хәйлә ҡорҙо. Беҙ иһә улар ҡорған мәкерҙе хур ит­тек. (Ибраһимды уттан ҡотҡарып ҡалдыҡ.)

    37:98

19. وَقَالَ إِنِّي ذَاهِبٌ إِلَىٰ رَبِّي سَيَهْدِينِ

    (Ибраһим) әйтте:- Мин Раббым тарафына китәм. Ул миңә тура юлды күрһәтер, - тине.

    37:99

20. رَبِّ هَبْ لِي مِنَ الصَّالِحِينَ

    - Йә, Раббым, миңә паҡ күңелле бер ул бирһәң ине, - тип доға уҡыны.

    37:100

Перевод: Башкирский перевод